Популярни библейски стихове от Mariko 2

Споделяне

Yesu ômvire bacha, era kwire ábabura mbu: «Ba bàhaalukire bàtahónda muhake, si ebalwala! Rero, nanyi ndábahire kwâmaala ba bàtungenene era muhondo sa Ongo, si ebandu be'mabi!»

Mango Yesu álolaa kwa bwemeresi bwa'bu bandu, era kwire ábura ola wábaa urémere mbu: «E mwana wanyi! Ebibi byao byàbabalirwe.»

Yesu era kuhuba kubabura mbu: «Elusuku lwe'Sabato* lwáirwaa bushi ne'bandu. Si ebandu batáirwaa bushi nalo.

Si bushi ne'bwingi bwe'bandu, chiro bákaala kumuísa era muhondo sa Yesu. Bushi no'ku, bera kwire bátula kwa butala-tala bwe'nyumba, kwa lima ala Yesu ábaa análi. Na mwe'chi chiture mu bárenzesaa echipoyo cha oyu mundu ábaa àli'ko.

Rero, náhonda muménye kwa nyono nyi Mwana we'Mundu nyéte ebuashi bwe'kubabalira ebibi muno butala.» Yesu kukwera kubura ola wábaa urémere mbu: «Nyínatechire, woyo wěmangaa, utóle ne'chipoyo chao, unáfuluke no'kwa wao!»

Munyiburaa! Chiye chi chibófuire kuteta mwe'ne myasi ebiri: eri ekubura ono mundu mbu ebibi byai byàbabalirwe, nesi ekumubura mbu ěmangaa atóle echipoyo chai anáende!

Unao-unao, ola mundu kuna kwêmanga, kuna kutola echipoyo chai, na áya era butala mwánameho mabo. Boshi bera kusanwa busese. Chasinda, bera kutangirisa batonga Ongo mbu: «Tùtafuraa kulola ku'biri bacha chiro ne'uma!»