Популярни библейски стихове от Mariko 12

Споделяне

Yesu nai mbu: «Emuomba* mubere-bere i'yono: ‹Mu benyi Isiraeli mǔmvaa! Enawetu Ongo, yeine i'na Enawetu. Oyu Enawenyu Ongo, úndaa wámusima mwa muchima wao woshi, no'mwa mianyisa yao yoshi, no'mwa bwenge bwao boshi, no'kwa misi yao yoshi.› Ne'muomba* wakabiri, i'yono: ‹Úndaa wásima na mulikenyu ngo'kwa utúla ùchisimire weine.› Ei miomba* ebiri, kutáli inji era i'renzise'i.»

Yesu kukwera kwâmaala ebanafunzi* bai, era kubabura mbu: «Kubinali, nábabura kwa ono muhumba-kasi we'mukene iwàtulire Ongo binene kurenza ebanji bandu boshi. Bushi ebanji boshi bàtulaa Ongo emwango ola wàtalaa kwa bikulo byabo. Si ono muhumba-kasi mwa bukene bwai yeke, àtulire Ongo byoshi bya bìngamuasise kulama.»

Chasinda, Yesu era kwékala álangusa kwa sanduku era bénde bátulira mwe'mitulo*. Era kulola kwa bandu bénjire bábika ebuteya mwe'i sanduku. Baare banene bera kubika'mu buteya bunene. Muhumba-kasi muuma wa mukene nai era kuika. Oyu muhumba-kasi nai, era kubika bikoroto bibiri bya buteya mwe'i sanduku. Ebi bikoroto, byábaa bikúnganyisibwe mwa miringa, kanji byábaa byéte mufa mueke busese.

Kubinali, emundu ěmire kunde ásima Ongo mwa muchima wai woshi, no'mwa bwenge bwai boshi, no'kwa misi yai yoshi. Kanji ěmire kunde ásima mulikabo ngo'kwa atúla àchisimire yeine. Ekuíra bacha ku kukulu kwa kwâna emitulo* era ìsiresibwe, nesi einji mitulo* yoshi.»

Yesu kukwera kubabura mbu: «Rero, mundaa mwêresa Kaisari* bya bìri byai, mwánêresa na Ongo bya bìri byai.» Oyu mwakure wa Yesu, era kubashishasa busese.