Популярни библейски стихове от Mariko 10

Споделяне

Bushi nyi Mwana we'Mundu nanyi ndábahaa mbu béndaa bányikorera. Si nábahaa nyinde nákorerana na kwâna ekalamo kanyi, nyinúnule bandu banene.»

Yesu era kubatumbikisa na ábabura mbu: «Kwa bandu, ebyera bìtangaalikana, si ku'Ongo bìtali bacha. Bushi era mwai yeke, byoshi byénde byánaalikana.»

Yesu kukwera kumubura mbu: «Uéndaa, ebwemeresi bwao bwàkulamise.» Unao-unao kuna kuhuba kulola, na átangirisa ákulikira Yesu.

Bushi no'ku, bya Ongo ábikire ala'uma, kùtabaa chiro na mundu asibya ola ukábirikanya.»

Yesu era kumusindera na meho ma nzii, era kumubura mbu: «Uchíri uínyire mwasi muuma oshâo. Uyáa kuusa ebindu byao byoshi. Ne'buteya bwa bingáfa, wánaabira'bo ebakene. Úkaira bacha, ungába eri wàbikirirwe mwandu kwa nguba. Chasinda, wánere wábaha kunyikulikira.»

Yesu era kumubusa mbu: «Chi wáhonda nyikuírire?» Nai mbu: «Mukangirisi, náhonda nyihúbe kulola.»

Si mwabo, biténdaa byába bacha mwa kachi-kachi kenyu. Bushi ola wáhonda kuba mukulu-kulu mu mwabo, ěmire ábe muanda wenyu.

Kubinali, nábabura kwa akaba emundu àtangemerera emyasi ye'Bwami bwa Ongo* nga mwana mutoto, atákêngirire'mo chiro na hicha.»

Bandu banene ba bàli babere-bere lwarero, bakába basinda-sinda. Na ba bàli basinda-sinda, bakába babere-bere.»

Si mwa ndangiriso mango Ongo ábumbaa byoshi, ‹ábumbaa emulume ne'mukasi.› ‹Echera chi chikátuma emulume áreka eshe na nyina, ánaimba ebwai buhosi buna mukai. Abu babiri bánere báhuba mundu muuma.› Aola, bàtachiri babiri si bera bàli mundu muuma.