Популярни библейски стихове от ယောဟန် 16

Споделяне

ငါ့​ကြောင့် သင်တို့​ငြိမ်းချမ်းခြင်း​ရှိ​စေရန် ဤ​အကြောင်းအရာများ​ကို ငါ​ပြောပြီ။ ဤ​ကမ္ဘာလောက​၌ သင်တို့​သည် ဆင်းရဲဒုက္ခ​နှင့် ကြုံတွေ့ကြရ​လိမ့်မည်။ သို့သော် အားမငယ်ကြနှင့်။ ငါ​သည် ဤ​လောက​ကို အောင်ပြီ” ဟု မိန့်တော်မူ၏။

သမ္မာတရား​ကို ဖော်ပြသည့်​ဝိညာဉ်တော် ကြွလာတော်မူ​သောအခါ သင်တို့​အား သမ္မာတရား​အလုံးစုံ​ကို သွန်သင်​ပြသတော်မူ​လိမ့်မည်။ ထို​ဝိညာဉ်တော်​သည် မိမိ​အလိုအလျောက် ဟောပြောတော်မူမည်​မဟုတ်။ မိမိ​ကြားသိ​ရသည့် အကြောင်းအရာတို့​ကို သင်တို့​အား ဟောပြောတော်မူ​လိမ့်မည်။ အနာဂတ်​တွင် ဖြစ်ပျက်မည့်​အရာများ​ကိုလည်း ဖော်ပြတော်မူ​လိမ့်မည်။

ယခု​အချိန်​ထိ သင်တို့​သည် ငါ့​နာမ​ကို အမှီပြု​၍ မည်သည့်​အရာ​ကိုမျှ မတောင်းကြသေး။ သင်တို့ အပြည့်အဝ​ဝမ်းမြောက်​နိုင်ရန် တောင်းကြလော့။ တောင်း​လျှင် တောင်းသည့်​အတိုင်း ရကြ​လိမ့်မည်။

သင်တို့​အား ငါ​အမှန်​ဆို၏။ ထိုသို့​ငါ​သွားရခြင်း​သည် သင်တို့​အတွက် အကျိုး​ရှိ၏။ ငါ​မသွား​လျှင် ကူညီမစမည့်​အရှင်​သည် ကြွလာမည်​မဟုတ်။ ငါ​သွား​လျှင် ထို​အရှင်​ကို သင်တို့​ထံသို့ ငါ​စေလွှတ်မည်။ ထို​အရှင်​ကြွလာ​သောအခါ လောကီသားတို့​အား အပြစ်​ကို​လည်းကောင်း၊ ဖြောင့်မတ်ခြင်း​ကို​လည်းကောင်း၊ တရားစီရင်ခြင်း​ကို​လည်းကောင်း ရှင်းလင်း​စွာ ဖော်ပြတော်မူ​လိမ့်မည်။

ထို​နည်းတူ သင်တို့​သည် ယခု​ဝမ်းနည်းကြ၏။ သို့သော် ငါ​သည် သင်တို့​နှင့် ပြန်​တွေ့မည်​ဖြစ်သောကြောင့် သင်တို့​သည် ဝမ်းမြောက်ကြ​လိမ့်မည်။ ထို​ဝမ်းမြောက်ခြင်း​ကိုလည်း မည်သူ​ကမျှ လုယူ​ဖျက်ဆီး​၍ မရနိုင်။ ထို​အချိန်​၌ သင်တို့​သည် မည်သည့်​အရာ​ကိုမျှ ငါ့​ကို မေးမြန်းကြ​လိမ့်မည်​မဟုတ်။ ငါ​အမှန်​ဆိုရ​လျှင် သင်တို့​သည် ငါ့​နာမ​ကို အမှီပြု​၍ ခမည်းတော်​ထံ တောင်း​သမျှ​ကို ခမည်းတော်​သည် ပေးတော်မူ​လိမ့်မည်။

သင်တို့​အား ငါ​အမှန်​ဆိုရ​လျှင် ငါ​၌ ဖြစ်ပျက်လာမည့်​အရာ​ကြောင့် သင်တို့​သည် ငိုကြွေး​မြည်တမ်းကြ​လိမ့်မည်။ သို့သော် လောကီသားတို့​မှာမူ ဝမ်းမြောက်ကြ​လိမ့်မည်။ သင်တို့​သည် ဝမ်းနည်းပူဆွေးကြ​သော်လည်း ထို​ဝမ်းနည်းခြင်း​သည် ဝမ်းမြောက်ခြင်း​အဖြစ်သို့ ပြောင်းလဲသွား​လိမ့်မည်။