Популярни библейски стихове от Yohanes 10

Споделяне

Ye, is ap yogorlia wogwi aʼge wagai ai re, wam domba wam yogorlia hisarogulat, waronobugulat, enebe modok erlagabonobugulat, tuogoluk wagai aʼgeat de, an wegi ai nak e, is aphwami di aʼge yu aʼge aʼbikmu eʼgerlakma hialogo welagai ai ʼgelaʼge, enebe enelaluk modok welemagoluk enelalugabonobolukmu en demat aʼge eʼgerlakma hialogo welemagoluk wegi o.

Wam domba wam eiye welat ʼgwelakharok welago aʼge, nebabut op e, nebe anat o. Wam domba wam eiye welat ʼgwelakharok welagai aʼge, ebabut op aʼge re, uam domba erlele wokho wareigat o, oluk ogola epasu.

His honogola asogo epegep aʼgeat de, is pema en e, an nuam domba aʼge holuk, niak enesaʼgo holholuk, is en an nebe enalukmu no oluk e, neʼberlik wagai o.

Neʼberlik noʼgukhwe, is enelaluk modok welemagoluk enelalugabenebasu leik ai en e, is enebe warotluk nalema erlak o. Is an neʼgik pam oruakhwe, is ap nin pema en delogo wogonobu mia o.

Ebela ʼgoduk e, an nebeat o. Ap sa en an nebam ʼgwiso holuk, ebe op degelak modok welat, libom-ʼguom eselat e, eʼgela op aʼge nak nasu lema o.

Wam domba wam ʼgwelakharok welago aʼge nebabut op e, nebe anat o. Naik en an aluk, ye, an en at naluk, welege ai ʼgelaʼge, an en nuam domba naluk, ye, is en an enaluk, welagai o. Asogo welat, an nuam domba erlele wokho wareigoluk welegi o.

Ap pema mia aʼgeat de, an naik en nuam domba woknesi aʼge ai nak e, ebe anni oruak o. Is an naik en woknesi aʼge ai, at eʼgik pam oruakma, is ap logon en delogo wogonobu mia o. Naik neʼbirek nenebe re, mesigarat o,” oluk moʼgulese lagama

Wam domba wam ʼgwelakharok welago aʼge nebabut op e, nebe anat o. Naik en an aluk, ye, an en at naluk, welege ai ʼgelaʼge, an en nuam domba naluk, ye, is en an enaluk, welagai o. Asogo welat, an nuam domba erlele wokho wareigoluk welegi o.

An en wareik epasu erlakmayat, is aphwami logon en ebagase pam watnobu mia o. We, an nuʼgwarek nogola enat, nebe wareik epaik erligeat wareik o. Wareiktik e, pobuk togolik nelaluk eik ai nuʼgwarek nogola en epaik hegitsogoat o. Asogo tuagoluk naik en peraknobou waga aʼgeat tik o, oluk demat moʼgulhentegis o,” oluk moʼgulentesi.

Asogo pobirak erlak oruakhwe, pobuk at Yesus en e, disogo moʼgulentesi, “Wene demat mesik moʼgulhentaik. Wam domba wam ai eneʼgebela re, an nebeat o.

At asogo epasu aʼgeat de, at ap mesik wam domba wam eiye aʼge erlak. At uam puk. At we, oʼgo wogemagoluk ʼgwelakharok oruakma mene orlomene wagoma il yetholuk, wam domba wam ukpoluk hweiye lasuam e, mene orlomene ano en domba ebano iak en dalukhegeik wogenebigoluk mukho-makho ʼbogulogo lebigenebasu.

At Yesus en wene asogo moʼgulentesirik e, pobuk mesik disogo moʼgulentesi, “An en wene mesik demat moʼgulhentaik o. Ap sa en wam domba wam waigoluk ebe lalma ʼgwiogoluk e, ʼgoduk ʼgwilo oʼgwe ʼbekhit ʼgwi lasu erlakma en, we, leget siatle hasogo ʼgwiso holuk e, at ebe ai yogorlia wasu aʼge en yogorlia waiyogolugat o.