Популярни библейски стихове от JOHAN 14

Споделяне

Note tungah keima neih bang lungnopna ka hong pia ding hi. Tua ka hong piak ding lungnopna pen leitung mite in a piaktheih a kip lo lungnopnate pawl hi lo hi. Tua ahih manin lau kei unla, zong lungkham kei un.

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

Tua ciangin Jesuh in a nungzuite kiangah, “Note lunghimawh kei un. Pasian um unla, kei zong hong um un.

Ahi zongin Pa in keima tangin a hong sawl ding Huhpa Kha Siangtho a hong tun ciangin note tungah thu khempeuh hong hilh ding a, note tungah ka hong gensa thu khempeuh zong hong phawksakkik ding hi.

Keima thupiakte sangin a zuite in keimah hong it ahi uh hi. Kei hong it mite pen ka Pa in zong it ding a, keimah in zong itin amaute tungah ka kilang ding hi,” a ci hi.

Keimah in Pa kiangah ka ngen ding a, note tawh a omkhawm tawntung dingin Thuman a hong lak Kha Siangtho, note hong Huhpa ding a hong pia ding hi. Leitung mite in tua Kha Siangtho mu thei lo, theithei lo uh ahih manin sang thei lo ding uh hi. Ahi zongin note sungah tua Kha Siangtho hong om ding ahih manin note in na thei ding uh hi.

Tapa’ hangin Pasian’ pianzia a kilat theih nadingin keima min paulamin na hong nget khempeuh uh ka hong pia ding hi. Keima min paulamin na hong nget nak-uhleh ka hong pia ding hi,” a ci hi.

Tua ciangin Jesuh in, “Kei na hong it uhleh ka thupiakte zong na zui ding uh hi.

Note’ om nading mun a bawlkhol dingin a pai ding ka hi hi. Ka Pa’ inn sungah om nading mun tampi om hi. A om lo ding hileh hih bangin thu ka hong gen kei ding hi.

Kei va pai-in note’ om nading mun ka va bawlkholh khit ciangin keima omna munah note na hong om theih nadingun note a hong la dingin ka hong paikik ding hi.

Tua laitakin Thomas in, “Topa aw, na pai nading mun thei lo ka hih manun a lampi ding bangci theih ding ka hi uh hiam?” a cih ciangin