Популярни библейски стихове от ᤕᤢᤜᤢᤴᤏᤠ 1

Споделяне

ᤁᤖ ᤂᤢᤏᤧ᤹ ᤏᤛᤠᤴ ᤁᤧᤈᤥ᤺ᤰᤐᤠᤜᤠ᤹ ᤏᤢ ᤏᤡᤱᤘᤠ᤹ᤀᤥ ᤁᤧᤍᤠ᤺ᤰᤐᤠᤜᤠ᤹ ᤁᤧᤖᤧᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢ᤹ᤀᤡᤍᤠᤱᤛᤠ ᤐᤥᤱᤔᤠ ᤕᤢᤰ ᤐᤡᤖᤢᤛᤡᤖᤥ॥

ᤋᤥᤗᤡᤱᤛᤥᤔᤢᤀᤥ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧᤴ ᤏᤠᤘᤠᤃᤧᤴ ᤆᤀᤡ᤺ᤳ ᤏᤧᤔᤠᤏᤢ᤺ᤸᤗᤧ ᤋᤃᤡᤀᤣ. ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤘᤕᤧᤖᤥ॥ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤘᤕᤧ ᤜᤧᤰᤁᤩᤠᤱ ᤂᤢᤏᤧ᤹ᤃ ᤏᤡᤱᤘᤠ᤹ᤑᤢᤔᤠᤱ ᤘᤕᤧᤖᤥ॥

ᤂᤧᤴ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡ᤺ᤱᤃ ᤔᤠᤰᤆᤡᤃᤧᤴ ᤂᤠᤍᤠᤶᤔᤥ ᤀᤥ᤺ᤳᤗᤥ. ᤁᤖ ᤔᤠᤰᤆᤡᤃᤧᤴ ᤂᤠᤍᤠᤶᤔᤠᤸᤗᤧ ᤀᤠᤵᤑᤠᤸᤗᤧᤀᤠᤱ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡ᤺ᤴ ᤔᤧᤴᤏᤠ᤺ᤴᤏᤣ ᤘᤠ᤹ᤖᤥ॥

ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤏᤠᤛᤡᤱᤃᤧᤴ ᤌᤰᤗᤠᤍᤡᤱ ᤐᤥ᤺ᤰᤂᤧᤀᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤀᤠᤏᤡ᤹ ᤗᤢᤶᤔᤥ ᤘᤕᤧᤖᤥ॥ ᤂᤢᤏᤧ᤹ᤃ ᤗᤢᤱᤃᤢᤶ ᤏᤢ ᤛᤧᤰᤂᤠ᤺ᤸᤗᤧ ᤁᤢᤎᤡᤶ ᤆᤥᤃᤧᤀᤠᤱ ᤁᤢᤔᤡᤔᤡᤍᤡᤱᤅᤡᤴ ᤀᤠᤏᤡᤛᤢᤶᤔᤠᤱ ᤀᤠᤘᤠ᤹ᤖᤥ॥ ᤂᤧᤴ ᤔᤡᤔᤡᤍᤡᤱᤅᤡᤴ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤁᤧᤍᤠᤒᤠ ᤌᤡᤰᤗᤰ ᤁᤢᤛ᤻ᤛᤠ᤺ᤸᤗᤧᤴ ᤜᤧᤰᤋᤱᤒᤠ ᤆᤥᤃᤧᤖᤥ॥

ᤂᤢᤏᤧ᤹ᤗᤠᤶᤔᤣ ᤏᤠᤘᤠᤃᤧᤴ ᤆᤀᤡ᤺ᤳᤋᤥᤒᤠ ᤁᤠᤰ ᤐᤠ᤺ᤴᤜᤠ᤹ ᤐᤥ᤺ᤰᤂᤧᤒᤠᤖᤥ॥ ᤜᤧᤰᤁᤩᤠᤱ ᤁᤴ ᤁᤧᤒᤥᤱᤒᤠᤜᤠ᤹ᤀᤥ ᤂᤢᤏᤧ᤹ ᤔᤣ᤺ᤴᤏᤣ ᤌᤣᤎᤡᤰᤁᤠᤱ ᤔᤧᤒᤥ᤺ᤰᤂᤧᤴ॥ ᤏᤧᤳᤋᤡᤃᤧᤴ ᤜᤡᤱᤔᤴᤏᤡᤴ ᤂᤢᤏᤧ᤹ᤀᤥ ᤘᤕᤧᤖᤥ॥ ᤜᤧᤰᤁᤩᤠᤱ ᤂᤧᤴ ᤏᤧᤳᤋᤡᤃᤧᤴ ᤜᤡᤱᤔᤴᤏᤡᤸᤗᤧ ᤁᤠᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡ ᤐᤡᤖᤢᤛᤡᤖᤥ॥

ᤁᤢᤍᤠ᤺ᤴᤍᤡᤰᤔᤠ ᤕᤢᤜᤢᤴᤏᤠ᤺ᤸᤗᤧ ᤕᤧᤛᤢᤴ ᤂᤢᤏᤧ᤹ ᤗᤧᤵᤔᤠᤱ ᤑᤧᤖᤧᤖ ᤐᤳᤇᤧᤒᤠ ᤏᤡᤛᤢᤀᤠᤱ ᤀᤰᤂᤣ ᤐᤠ᤺ᤳᤋᤢ. “ᤀᤥᤔᤧᤳᤋᤧᤶᤔᤧ᤹. ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤗᤠᤕᤥ ᤗᤠᤛᤥ᤺ᤳᤜᤠ᤹ ᤁᤧᤃᤢᤒᤠᤀᤠᤱ ᤁᤧᤍᤣ᤹ᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤧᤸᤗᤢᤰᤛᤠᤴ ᤂᤠ ᤑᤧᤴᤗ ᤐᤳᤗᤥ᥄

ᤂᤢᤏᤧ᤹ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤘᤕᤧ ᤜᤧᤰᤁᤩᤠᤱ ᤂᤢᤏᤧ᤹ᤀᤣ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧᤴ ᤏᤠᤘᤠᤃᤧᤴ ᤆᤀᤡ᤺ᤳ ᤏᤧᤛ᤻ᤛᤢᤛᤠᤱ ᤂᤧᤵᤔᤥ ᤋᤩᤧ᤺ᤸᤗᤧ ᤂᤧᤸᤗᤧ ᤁᤢᤛᤡᤱ ᤔᤧᤏᤡ᤺ᤳᤋᤢᤴᤗᤥ॥ ᤀᤰᤂᤣᤗ᤹ᤖᤡᤰ ᤂᤢᤏᤧ᤹ ᤀᤠᤒᤠᤅᤣ ᤁᤢᤔᤏᤠᤜᤠ᤹ᤀᤥ ᤋᤩᤧᤛᤠᤱ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤔᤧᤴᤍᤠ᤺ᤰᤋᤢᤴᤗᤥ॥

ᤁᤧᤖᤧᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤀᤥ᤺ᤳᤋᤡ ᤁᤧᤒᤡᤒᤠ ᤂᤧᤴ ᤛᤧᤰᤂᤠᤒᤠ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡ᤺ᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤧᤍᤠᤒᤠ ᤘᤕᤧᤖᤥ॥

ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠᤶᤕᤥᤌᤡᤶᤔᤡᤴ ᤔᤥᤛᤠᤗᤠᤶᤒᤠ ᤀᤠᤒᤡᤖᤧ. ᤁᤖ ᤗᤢᤱᤃᤢᤶᤔᤡᤴ ᤏᤢ ᤛᤧᤰᤂᤠ᤺ᤱᤃ ᤕᤧᤛᤢ ᤂᤪᤡᤛ᤻ᤋᤗᤠᤶᤒᤠᤀᤣ ᤋᤩᤧᤒᤠᤖᤥ॥