Популярни библейски стихове от Mateo 18

Споделяне

Koma ga nudzaag'ke chope' u tsone' bënni lu la', ladj'ke'a na' zua' neda.

»Le ni rea' lbi'ili: Xhki chope' bënni luune diidza dzaag lu yëdz'lyu ni bi lunaab'de Dios kati lui'leene le' diidza, Xuuza zue' yewayuba gunne ley.

Na' Jesús bliidze'bi tuubi bi'dau' len bze'bi gatzj'lau'i'a ati gne': Blikz'da rea' lbi'ili ki xhki ti ktza'li yëla rbëëz kieeli len këëz'li ka tabëëz'bi bi'dau', ti tzaaz'li lu yëla rnabe' ki yewayuba.

Bënni'a rxhëxhj laadxe'e len rbëëze ka rbëëz'bi bi'dau' ni, bënni'a nak're blou lu yëla rnabe' ki yewayuba.

Len bënni'a rzi'e'bi lu la' tuubi bi'dau' ka bi'dau' ni', neda rzi'e.

»Blikz'da rea' lbi'ili ki yugute' le lbi'ili guuga'li lu yëdz'lyu ni, lekz'ka' gaaga' yewayuba, ati le lbi'ili kseedx'li lu yëdz'lyu ni, lekz'ka' tseedx yewayuba.

Jesús lekz'ka' gne': —Lekz'ka' guune len lbi'ili Xuuza zue' yewayuba, xhki lbi'ili ti si'xhëën'li'ne bënni bë'chi'li gdu laadxi'li.

»Ati nu'ti'teez nu gun ga gbixh'bi lu dula tuubi bi we'en'du bi rajle'bi neda, wak'l kie' dxia'a luuge'e yeene tu giaj gich len luzal'e le' lu nis xhën.

»¿Bixh rnaali lbi'ili? Xhki tue' bënni nakua'ba kie' tu gayua'ba bëku'xhiila ati rnit'ba tuuba, ¿Naru ti rka'ane'ba bua' tap'lalj'yu'chenu'ba lu gia'a, naar tzajdiilje'ba bëku'xhiila'a gnit'ba?