Популярни библейски стихове от योहान 14

Споделяне

मे तुमुक शांती आप दोम, मारी शांती तुमुक आप दोम; जोसो जोग आपतला छे, तोसो मे तुमुक नि आपो, तुमरो मोन कासावीस नि होये एने मा बिहू.

येसु तीनु काजे कोयू, “वाट एने खोरलु एने जीवन मेत छे; बिना मारे विगुर कुदू बासोनचा नि पुग सोकतलु.

तुमरो मोन कासावीस नि होये; परमेश्वर पोर भुरसू कोरु एने मार पोर बी भुरसू कोरु.

बाकीन मदतगार मतलब पवित्र आत्मा जीनाक बास मारे नावसी मुकलसे, चू तुमु काजे आखा वाते सिकाळसे, एने जो काहीन मी तुमु काजे कोयलु छे, चो आखो तुमु काजे फोम देवाळसे.”

जेरे जुव मारी आग्या छे एने चू तीनुक मानतलु छे, चू मारे पोर मोंग कोरतेलु छे; एने जू मारे पोर मोंग कोरतेलू छे तीनाक मारू बास मोंग कोरसे, एने मे तिना पोर मोंग कोरिस एने मे आपना खुदो काजे तेरे सामने लाविस.

मे बासो काजे विनता कोरीस एने चू तुमुक एक ओवी मदतगार आपसे कि चू कायम तुमरे साते रोये. बाकीन खोरलु आत्मा, जिना काजे संसार स्वीकार नि कोर सकतला काहाकि चे तीनाक नि जानतेला; तुमु तीनाक जानतला, काहाकि तुमरे साते रोयलू, एने चू तुमरेमा रोयसे.

जो काय तुमु मारे नावोसी मांगे, चोत मे कोरिस कि पुऱ्यान लारे बासोन महिमा होये. ओगर तुमु मारे जुवू मारा नावोसी काहीन मांगसु, ती मे तीनाक आपीस.”

ओगर तुमु मारे पोर मोंग कोरे ती, मारा आग्या काजे मानजू.

मारा बासोन घोरमा घोनु सोवटू रोयनेन जागू छे, ओगर नि रोयतु ती मे तुमु काजे कोय देतु; काहाकि मे तुमरेन कोरता जागू तीयार कोरनेन कोरता जाम.

एने ओगर मी जायीन तुमरेन कोरता जागू तीयार कोरो, ती पोछु आवीन तुमु काजे मारेंचा लीन जायीस कि जा मी रोयीस चा तुमु बी रोये.

थोमा तीना काजे कोयू, “हे प्रभू, आमुक नि मालूम कि तू का जाणे बाज रोयू; ती वाट कोसा जानजे?”