Популярни библейски стихове от Johan 16

Споделяне

Note in keima sungah nopna na neih nadingun hih thute kong genkhol hi. Note in leitungah gimna na thuak ding uh hi. Ahih hangin lunghimawh kei un, leitung ka zozo hi,” ci-in a gen hi.

Ahih hangin thuman thutak Kha Siangtho hong tun’ ciangin, thuman thutak a vekpi-in note hong hilh ding hi. Bang hang hiam na cih uh leh, ama ut bang hong gen ahi kei hi, a zaksa thu khempeuh hong gen ding hi. Anung ciangin hong piang ding thu khempeuh zong hong hilh ding hi.

Tudongin ka min suangin bangmah na ngen kei uh hi. Na lungdamna uh a kicin’ nadingin ngen un, na ngah ding uh hi.”

Ke’n aman takpi kong cih-inah, kei ka ciah leh, note’ ading a pha zaw ding hi. Bang hang hiam na cih uh leh, kei ka ciah kei leh, Huhpa in note kiangah hong pai lo ding hi. Ahih hangin ka ciah leh, tua pa note kiangah kong sawl ding hi. A hong tun’ ciangin, mawhna, siangthona leh thukhenna leitung mite kiangah a pulak ding hi.

Tua ahih ciangin tu-in na dah uh hangin a nung ciangin keimah in note kong mukik ding a, no na lungdam ding uh hi. Note lungdamna kuamah in hong sut zo kei ding hi. Tua ni ciangin kei kiangah bangmah nong dong kei ding uh hi. Ke’n aman takpi kong cih-inah, note in keima min tawh Pa kiangah thu na nget khempeuh uh a hong pia ding hi.

Ke’n aman takpi kong cih-inah, note kapin na kiko ding uh hi. Leitung mite ahih leh, a lungdam ding uh hi. Note na dah ding uh hangin, na dahna uh lungdamna a suak ding hi.