Популярни библейски стихове от मरकुस 2

Споделяне

यीसू ओ सुण गे बानै समझायो कै, “चंगा भला लोगां नै डाक्टर गी लोड़ कोनी पडै़ पण बीमार लोगां नै पडै़। मैं धरमी लोगां नै कोनी पण पापी लोगां नै सुधारण आयो हूं।”

यीसू बां लोगां गो बिस्वास देख गे बिं लकवै गै रोगी नै केयो, “बेटा तेरा पाप माफ होग्या।”

जद यीसू बानै केयो, “परमेसर सबत गो दिन आदमी खातर बणायो है आदमी नै ईं दिन खातर कोनी बणायो।”

पण जद बे बोळी भीड़ गै कारण बांगै कनै कोनी जा सक्या तो झिकै मकान में यीसू बेठया बिं मकान गी छत नै अधेड़ गे सणै माची बिं आदमी नै बांगै सामै उतार दियो।

पण अब थे जाणल्यो कै मिनख गै बेटै नै धरती पर पाप माफ करण गो अधिकार है बां बिं लकवै गै रोगी नै केयो कै, मैं तनै केऊं, “तेरी मांची चकले अर आपगै घरे उड़ज्या।”

थे जाणो हो कै ईं आदमी ऊं ओ केणो सोरो है कै, “जा तेरा पाप माफ होग्या,” पण ओ केणो सोरो कोनी कै, “उठ, खड़यो हो अर आपगी मांची चक'गे उड़ज्या।”

जद बो खड़यो होयो अर सारा गै सामणै आपगी मांची चक'गे घरे उड़ग्यो। ओ देख गे सारा हेरान हो'ग्या अर परमेसर गी बडाई करण लागग्या कै इयां पेलां कदी कोनी देख्यो।