Популярни библейски стихове от प्रेरित 1

Споделяне

पर जेबरे तमा पैंदे पवित्र आत्मा ईहलअ तेबा तमे सामर्थ्य पाऊंणा होर यरूशलेम होर सारे यहूदिया होर सामरिया में होर पृथ्वी री छोर तणी मेरे गुआही हूंणे।

तेऊ त्याहबे बोलू, तेऊ वक्ता या काला बे जानणा, जूंणा पिता आपणे अधिकारा में डाहिदे, थारा काम नांई आंहदा।

होर चेले का मिली करे तेऊ आज्ञा दीनी, यरूशलेमा नाह छाडे, पर बापू री सह प्रतिज्ञा पूरी हुणे तणी नयालदे रहा, जासकी चर्चा तमे महा कअ शूणी। किबेकी यूहन्ना तअ पाणी में बपतिस्मा दीदआ कुछ धयाडी बाद तमा पवित्र आत्मा कअ बपतिस्मा पाऊले।

तेऊ दुःख सहणे बाद भी बहुत पाके सबूता संघे आपणे आपा बे जिऊंदअ रीहाऊ, होर चाहली धयाडी त्याह हेरदअ रहू होर परमेश्वरा रे राज्य री गला करदअ रहू।

यह बोली करे त्याहे हेरदे-हेरदे सह सरगा बे उझे चुआकू होर बादले सह आपणी आछी में घझयाऊ।

तेउरे नांहदे वक्ते जेबा त्याह सरगे भालदे लागदे थी, तेबा हेरा दुई मर्द शते झिकड़े बाहनी त्याह सेटा खडे होई। होर त्याहबे बोलू, हे गलीली पुरुषो तमे सबे खड़े होई सरगे किबे भाले लागेदे? यह यीशु, जोह थारे सामने स्वर्गा बे नीऊ, जेड़ी तरह तमे सह स्वर्गा बे नांहदअ हेरू, एडी तरह सह भी का इंहणअ।