Популярни библейски стихове от Mataayo 2

Споделяне

Kimwi bhakasoha munyumba, bhakamurora omwana hamwi na Mariamu ngʼina waabho, bhakamutemera ebhiru okumusyengera omwana. Hanú bhaamara, bhakasibhura ebhibhumbiko bhyabho, bhakamuruusirya omwana uyo, omutuho gwa egijahaabhu, ekurusu na amaguta ganú gararangasira bhujomu ganú garabhirikirwa ega, manemane.

Yeesu yeebhurirwa mumugi gwa Bhetereheemu mukyaro kya Yudea, eribhaga rinú omukama Herode yaaringa omutungi. Mbe, kwibhaga riyo, abhamanyi eguru ya eginjota okurwa mubhyaro bhya bhuturira-ryubha, bhakahika mumugi gwa Yerusaremu. Bhakabhuurya ega, “Aringi-ha unú yeebhwirwe, abhe Omukama wa Abhayahudi? Tumanyiri ega, yeebhwirwe, kwa okubha enjota yaaye yaamaahikana kubheetu bhuturira-ryubha eyo. Kwa ego, tuujiri okumusyengera.”

Hanú bhaarora enjota irya, bhakajomerwa bhukongʼu.

Mbe, Waryubha akabhakemera mukirooto ega, bhatahunjuka kweki ku Herode. Kwa ego, bhakahunjuka owaabho kwa okuhitira enjira eindi. Hanú abhamanyi eguru ya eginjota bhayo bhaaringa bheemukiri, maraika wa Omukuru Waryubha, akamwibhukira Yusufu mukirooto. Akamukeerya ega, “Imuka! Ogege omwana na ngʼina waabho, mungʼosere mukyaro kya Misiri. Mwikare eyo, okuhikira hanú ndibhakeerya muhunjuke, kwa okubha Herode aramutuna omwana uyo, naho amwite.”