Популярни библейски стихове от S. Juan 15

Споделяне

»A Ten Lʌjien u che'i aj nukuch ts'us (uva) a pʌk'bi y teche'x lʌji' u k'ʌ'. A mok woro tiʌ yete ten y bexi' ten ti' yʌnen yete ti', ne ya'p u wich ku ts'ek, a teche'x mix k'ʌs ba' je' a metke'x o mʌnen ten yete teche'x.

Wa woro ti yʌne'x yete ten, bexi' ten woro ti' yʌnen yete teche'x. Ya a we'x bix u k'ʌ' jump'e che, mʌnʌ' u yichʌnkʌj wo mo' nich'ikbaj yok'o u che'i, bexi' teche'x wo mo' woro ti' yʌne'x yete ten.

»Wo a teche'x woro tie'x yete ten y woro a metke'x in t'ʌn, k'ate'x tu woro a ba' a k'at, y jeu' meta' teche'x.

Teche'x mo ta tejten ten, chen ten ti tejte'x teche'x, y tin li'sa u t'ʌni a bine'x y ti' a wichʌnkʌne'x, y a lay u wich, mu ts'oko. Y bex ak Tet jeu' laj ts'ek tu woro a ba' ka k'atke'x ti' yete in k'aba'.

A mok jach ku ki yakuntik u bojo' lʌji' a mok ku ts'ek u kuxta ti' u bojo'.

O yʌn jump'e in k'ʌ' mu yichʌnkʌj, ku xat'ik, chen wo ku yichʌnkʌj, jay ku laj meje musik in k'ʌ' ti' u ki ichʌnkʌj más ya'p.

A je' lʌji' a kin li'sik in t'ʌn: Yakunte'x a bʌje'x, bex ten kin yakuntike'x.

Wo teche'x ne ka wiche'x y ka kuxte'x bex bix in jach kʌ'sa winike'x, bex ka bin a wa'ex ne tsoy ba' ti' Tet.

»A Ten Lʌjien u jach che'i aj nukuch ts'us (uva) a pʌk'bi y a in Tet lʌji' a mok ku kʌnʌntik.

A mok mo' woro tiʌ yete ten, ku pura' jaknʌki, ku tiji; ku laj much'a y ku bij pura ix k'ak', y ku laj ere.

»Ti wa'te'x bex ti' u jach ki' tsoyta a worex bex ten jach tsoy in wor.

O ka jach ki metke'x in t'ʌn, bex tʌn a we'sik jach otsi a wikene'x; bex bix ten ki jach metik u t'ʌn in Tet, y bex tʌn in we'sik jach otsi in wirik in Tet.

A je' lʌji' kin li'sik u t'ʌni te'x ti' a metke'x: Yakunte'x a bʌje'x.

Wa teche'x bexi' ka metke'x bex u winki a je' a lu'm, tu woro winki a je' a lu'm ku yakuntike'x; chen a teche'x mo' bexe'x, tu pʌti ten ti yʌ tejte'x yok'o a je' a lu'm, bein tu woro u winki a je' a lu'm ne p'ek u yirike'x.