Популярни библейски стихове от लूका 3

Споделяне

जब सगले जने बपतिस्मा लइ चुकें, तब यीसु घलाय आइके यूहन्ना से बपतिस्मा लइके प्राथना करत रहे हँय, तबहिनय स्वरग खुलिगा, अउर पबित्र आत्मा सारीरिक रूप से परेबा के रूप माहीं उनखे ऊपर उतरा, अउर इआ अकासबानी भय: “तूँ हमार पियार लड़िका आह्या, हम तोंहसे प्रसन्न हएन।”

तब यूहन्ना ऊँ सगलेन से कहिन, “हम त तोंहईं पानी से बपतिस्मा देइत हएन, पय जउन आमँइ बाले हें, ऊँ हमसे एतना महान हें; कि हम त उनखे पनहिन के डोरव तक छोरँइ के काबिल नहिं आहेन; ऊँ तोंहईं पबित्र आत्मा अउर आगी से बपतिस्मा देइहँय।

अरथात तूँ पंचे अपने जीबन से इआ देखाय द्या, कि तूँ पंचे बास्तव माहीं पाप करब छोंड़ दिहा हय, अउर परमातिमा के बातन काहीं मनते हया। तूँ अपने-अपने मन माहीं इआ न सोचा, कि हम अब्राहम के सन्तान आहेन एसे परमातिमा हमहीं सजा न देइहँय; काहेकि हम तोंहसे सही कहित हएन, कि परमातिमा ईं पथरन से अब्राहम के खातिर बंस पइदा कइ सकत हें।

अब परमातिमा के क्रोध रूपी कुल्हारा बिरबन के जर माहीं धरा हय, एसे जउन-जउन बिरबा निकहा फर न फरी, उआ काटिके आगी माहीं झोंक दीन जई।”

जइसन परमातिमा के सँदेस बतामँइ बाले यसायाह के किताब माहीं लिखा हय: “सुनसान जघा माहीं एक जने के गोहरामँइ के बोल सुनात हय, कि अपने मन काहीं तइआर कइके गइल सऊँ बनाय ल्या, काहेकि ‘प्रभू आमँइ बाले हें। सगली घाटिन काहीं भर दीन जई, अउर सगले पहारन अउर टिकुरन काहीं बराबर कीन जई; अउर जऊँ टेंढ़ हय ओही सऊँ, अउर जउन ऊँच नीच हय ओही समथर बनाबा जई। अउर हरेक मनई परमातिमा के मुक्ती के काम काहीं देखिहँय’।”