Популярни библейски стихове от लूका 12

Споделяне

एसे तुहूँ पंचे तइआर रहा, काहेकि जउने समय के बारे माहीं तूँ पंचे सोचेव न होइहा, कि मनई के लड़िका अई, उहय समय मनई के लड़िका आय जई।”

पय तूँ पंचे परमातिमा के राज के बढ़ोत्तरी के काम माहीं लगे रहा, त तोंहईं ईं जरूरत के सगली चीजँय मिल जइहँय।”

अउर यीसु अपने चेलन से कहिन, “तूँ पंचे सतरक रहा, अउर हरेक मेर के लोभ से अपने काहीं बचाइके रखा; काहेकि कोहू के जीबन ओखे खुब धन-सम्पत्ती के कारन नहीं बचय।”

काहेकि जहाँ तोंहार धन-सम्पत्ती हय, उहँय तोंहार मनव लगा रही।

तोंहरे पंचन म से अइसा को हय, जउन चिन्ता कइके, अपने उमिर माहीं एक घरिव बढ़ाय सकत होय?

पुनि यीसु अपने चेलन से कहिन, “एसे हम तोंहसे कहित हएन, कि अपने प्रान के चिन्ता न किहा, कि हम का खाब; न अपने देंह के चिन्ता किहा, कि हम का पहिरब।

बलकिन तोंहरे मूँड़े के सगले बार घलाय गिने हें, एसे तूँ पंचे न डेरा, पिता परमातिमा के नजर माहीं तूँ पंचे ऊँ गउरइअन से जादा कीमती हया।

हे छोट झुन्ड, डेरा न; काहेकि तोंहरे पिता परमातिमा काहीं इआ नीक लाग हय, कि तोंहईं राज देंय।

कउअन काहीं देखा; ऊँ न त बोउतय आहीं, अउर न त कटतय आहीं, अउर न उनखे राहय गल्ला होय, अउर न बखारिन रहय, तऊ परमातिमा उनहीं पालत हें। तोंहार मोल त पंछिन से बढ़िके हय, तोंहईं काहे न खबइहँय?

अउर तूँ पंचे ईं सगली चीजन काहीं ढूँढ़ँइ माहीं न रहा, कि हम का खाब-पिअब, अउर मन माहीं संका न किहा, कि परमातिमा तोंहईं न देइहँय।

एसे अगर परमातिमा मइदान के चारा काहीं, जउन आज हय, अउर काल्ह आगी माहीं झोंक दीन जई, उनहीं एतना सुन्दर ओन्हा पहिराबत हें, त हे अल्प बिसुआसिव, ऊँ तोंहईं पंचन काहीं निकहा ओन्हा काहे न पहिरइहँय?

जउन कुछू बिचार मनइन के मन माहीं हें, परमातिमा उनहीं प्रगट करिहँय, अउर हमरे जीबन के सगली छिपी बातन काहीं परमातिमा जानत हें।