Популярни библейски стихове от Лука 17

Споделяне

Тай пхэнляс э самарянески: — Ущи тай джя, то пакяпэ кутарды тут.

Тай джи ов тэ кердяс бэзя туки эфтавар андэ дес тай эфтавар тэ авэла тутэ тай тэ пхэнэла: «Мэ сом дошало», — апувикер лэс.

О екх андар лэндэ, сар дикхляс, кай аинды, болдиняспэс, бэбэренца махтадиелас э Дэвлэс. Ов пэло ко чянга ки Исусески тай пхэнляс Лэски: «Бахт мэ дэл тут о Дэл!» Тай адава мануш сас самаряни.

Оничин сакёвэн! То пхрал тэ керэл бэзя, тэрдяр лэс, тай ов тэ ачявэла о бэзя, апувикер лэс.

— Та со, на дэш мануша сас шужардэ? — пхучляс о Исус. — Кай авэра эня?

О Сагбус пхэнляс: — Тумэндэ тэ си пакяпэ, сар гэрчицако гугуси, тумэ дэчи тэ пхэнэна акалэ дюдяки тэрэкески: «Чиндё э коринеса тай бэшав тут андэ пани», — ов тумэн кан тхэл кан.

Кон мангел тэ гаравэл по бэшыпэ, одова кан нашавэл лэс, тай кон кан нашавэл по бэшыпэ, одова кан гаравэл лэс.

О Исус пхэнляс пэ сиклярдэнги: — Со зумавэл э манушэс нащи тэ на овэл, ай касэвэти одолэски, кон дэл бутуря э манушэн андэ бэзя. Одолэски, кон хоч екхес андар адалэ тикнэндэ кан дэл бутуря андэ бэзя, сас би зиядэ, лэски тэ урявэн ки мэн мельницако бар тай тэ чен андэ пани.

Сар сас андэ деса ки Ноескерэ, аякха кан овэл ли андэ деса ки Чявэско ки Манушыканэско. О мануша ханас, пиенас, прандозэнас тай джянас ромэстэ джи одолэ десестэ, кана о Ной бэшло андэ кавчеги. Дэчи ваздиндило баро пани тай алаен мудардяс.