Популярни библейски стихове от MATIUS 5

Споделяне

Iwetu wo'u da'a ria poindo nitunju ntau pade niladuna ante tonda. Tapi poindo etu kana rabolina ri kalangana sampe pura-pura tau raranjapo rawanta remena. Iwetu wo'u reme to naria riara nta'i komi kana rapopokita ka tau ntanina ala ira mamala manggita pokainggumu to nabelona pade mantoiya Umamu ri suruga.”

Komimo reme nu dunia. Ngata ri bunggu nu bulu da'a namala ratabuniaka.

Nasana mpu'umo tau-tau to nagasa rarana, sabana iramo to manggita Alatala.

Nasana mpu'umo tau-tau to mpu'u-mpu'u madota mowia dota Alatala, sabana iramo to rawai ka pompakule mowia to nipodota ira etu.

Tapi kuuli ka komi, potowemo balimu pade posambayamo ka tau-tau to mompandasa komi.

“Nasana mpu'umo tau-tau aga netidombo ri ja'i Pue Alatala, sabana iramo to majadi todea riara Poparenta nu Alatala.

Nasana mpu'umo tau-tau to nompoposinggabelo roana, sabana iramo to rauli ana-ana nu Alatala.

Nasana mpu'umo tau-tau to nasusa rara, sabana iramo to rapakawoe rarana.

Nasana mpu'umo tau-tau to rapandasa sabana madota mowia dota Alatala, sabana iramo to majadi todea riara Poparenta nu Alatala.

Nasana mpu'umo tau-tau to naasi matana nanggita roana, sabana iramo to rapoasi mata nu Alatala.

Nasana mpu'umo komi ane komi rasalaraka ntau atau rapandasa bara rauli sinja'i ntau sabana komi topomparasaya Aku. Iwetu wo'u nipowia ntotu'a ira ka nabi-nabi nggaolu. Jadi pakadambamo raramu ane etu majadi ri ja'imu sabana nadea mpu'u rasi to nipakasadia ka komi ri suruga.”

Nasana mpu'umo tau-tau to naede rara, sabana iramo to mantarima pura-pura nuapa to nijanji Alatala.

“Komimo gara nu dunia. Tapi ane gara majadi nameli natantu da'a namala rapakapaga bali. Gara etu mana ria gunana, aga ratajiaka pade ralonggo-longgo ntau.

Jadi komi kana moinggu mabelo pura nasimbayu ewa Umamu to naria riara suruga.”

Tapi ane makono ulimo ‘iyo,’ pade ane da'a makono, ulimo ‘da'a.’ Tesa to neliu nggari etu nopu'u nggari ja'i Magau nu Seta.”

“Niepe komi parenta nggaolu iwe'i: ‘Mata kana rasambei ante mata, ngisi kana rasambei ante ngisi.’ Tapi kuuli ka komi ne'e mombabalasi tau to nompowia kaja'ana ka komi. Tapi ane maria tau mombasapa kalimpi ngganamu, wai ka i'a wo'umo kalimpi njidimu.

Ane mata ngganamu manggeni komi mowia silaka, su'i tajiakamo matamu etu. Nabelopa saongu sipa nu koromu malipo pade njumaongu koromu ratajiaka riara naraka. Pade ane pale ngganamu manggeni komi mowia silaka, tompo tajiakamo palemu etu. Nabelopa saongu sipa nu koromu malipo pade njumaongu koromu mesua riara naraka.”