Популярни библейски стихове от Mǎkè 12

Споделяне

È Jùsu tùa ɔ kɛ̀ɛn Ɔ je, “Wòje keǒ Nyesoaa win dǎa, i je tetě kɔn tè kunʼu chɔɔ dɔ̌ nɛ̀ moo, ‘Ǐsòwɛ̌ kwɛɛn ane, a po nɔkǔ bo, äa Koɔn Nyesoaa do Nɔ̀ moo Koɔn. Ii tè nè wlò wùɛ nɛ̀ bò sàǒ mì Ɔ mǒ noɛɛ ne klee nè sùsu wùɛ klee nè dlǒ le sìɛnsiɛn wùɛ plě noɛɛ Ɔ mǒ klě nè kbě wùɛ kɔ̀nʼɔ mǒ.’ (Deut 6.4-5) È sɔ̌n nenɛ tetě kuun ɛ̈ tbaǒ ɛɛ běǒ mɔ̀ nɛ̀ moo, ‘Noɛɛ nyopò tùu mǒ keǒ nù nèe chɛ̀ mǒ noɛɛa.’ (Lev 19.18) Ii sɔ̌nʼǒ tetě tɛ̀ɛ se kun ɛ seǒ i dlǒ mǒ ne.”

Tà Jùsu jěaa dɛǒ, Ɔ dala Ɔɔ mɔ̀ cheěn nyo Ɔ je, “Kàan tèà Ě tmɛɛ̌ amo, sònwɛ koti nynɔǒ nɔ̀ poě wlě fòfoa kělɔ mǒ tèe blɔ̀kunʼà wan ɛ̌ sìnʼǒ uu wùɛǒ mǒ. Mɛ̌oǒ joo nɛ̀ moo pònpan nyoǒ u poě uu wlěe tìe, kɛɛ nynɔà kàan tè sònwɛ ni ɔ, ɔ blěe wlejoɛ̌ɛ wùɛ ɔ kɔnʼɔ kělɔ kmɔ̌ɔ mɔ̀ nɛ̀ ɔ poě.”

È tà tǐ gbei sìnʼaa, Jùsu nea bo klě Nyesoaa kǎ fòɛ bo keǒ Nyesoaa mǒ tèe blɔ̀kun gbàa Ɔ̌ jěa nyopò ǔ peaě wlě le klě mǒ tèe blɔ̀kunʼǒ wan. Pònpan nyo fòfoa peaě wlě fòfoa le. Kɛɛ sònwɛ koti nynɔ nɔ̀ dia lě ɔ̈ poaě wlejɔ̌ gbeii sɔ̌n ï kwɛa lěe kapǎjoɛɛ jǐ mǒ.

È plě, ‘Nyu bɔ noɛɛ Nyesoa mǒ keǒ ɔɔ wlò wùɛ mɔ̀ klee klě ɔɔ dlǒ le sìɛnsiɛn wùɛ mɔ̀ klee klě ɔɔ kbě wùɛ mǒ,’ (Deut 6.5) è plě de, ‘Nyu bɔ noɛɛ tùonyu wùɛ mǒ keǒ ɔ nu ɔɔ chɛ̀ mǒ noɛnoɛ.’ (Lev 19.18) Imo teteǎ nì kɔn tè kma keǒ Nyesoa mɔ̀ ɛ̌ sìnʼǒ soaa chɔ̀no piea mǒ klee chɔ̀noo doědoe tìi u piee keǒ Ɔ mɔ̀.”

È kě Ɔ dɛ̌a u je Ɔ je, “Dɛǒ kɔn lěe klɔ̀ba mɔ̀ a nye ɛ ɔ̀, è dɛǒ kɔn lěe Nyesoa mɔ̀ a nye ɛ Nyesoa.” È tà u wɔ̌na imoo tèǒ, ì kaenʼa uu wùɛǒ le wlò keǒ Ɔ jleě mǒ.