Популярни библейски стихове от Luuka 23

Споделяне

UYeesu wáaja, “Wee Daada! Uvasaajile! Kwa kiiva vasimeenye, gina viigaha.” Avasulukhali vala vagavana amenda ga Yeesu, kwa nsila ya kiviikha ululagusanio.

UYeesu wámugomosesa wáaja, “Nikikujovela, shiyooli iminsiyaano usiive lumo noone mu lupepo.”

Baheene wáaja, “Wee Yeesu! Pina ukhava wiyinjila mu Wutwa waakho, unikumbukhaje!”

UYeesu wákhoosa mandu ishawuti wáaja, “Wee Daada! Nikiyiviikha inumbula yangu, mu mawokho gaakho.” Wáganile kilogola ago, wáafwa.

Vaganile kifikha pina pakhandi pitambulwa Lipangalasi lya Mutwe, vamukhomeelela uYeesu pa musalaaba. Woope avanansi vala vavili vavakhomeelela, shila muunu pa musalaaba gwakwe. Yumo ulubali lwa kundiilo lwa Yeesu, uyunji ulubali lwa kunshiji.

Kihuma ilisala ilya mutanda paminsi, mbakha ilisala ilya gonja, inshiisi yagubikhaga inyi yila yoona, ilijuva lisikhandi limulikha. Umwenda guna gukhandi gubagwile mbali sivili mu nanda ya Nguluvi, gwadeemukha mbali sivili kihuma kushaanya mbakha pansi.

Umuyimililaaji wa vasulukhali pina wágaaga gina gisenjekha, wámusufya uNguluvi wáaja, “Shiyooli, umuunu uyu akhandi mugolofu!”