Популярни библейски стихове от Matyu 18

Споделяне

Ta no uwed orey duwa winno tellu nga agtitipun nga sidadayaw gapu iyaken, uwed dac pe̍ iyan nga pagtitipunan da,” kunen na.

“Ket tutu met pe̍ nga no uwed orey duwa ngas dakayu idi nga lubung nga agtulag iya orey nagan na nga adngen nu ka kararag, ipaay ngarud niya Amac nga uwed ka langit para dakayu.

Ket e̍ Je̍sus, pinalbe̍t na ya isa nga ebbing, ket nipasangu na igida. Ket kinunen na, “Tutu met nga pulus nga madi kayu makalak-am iya panangituray niya Nailangitan no madi kayu agbaliw kadiya pangpanggep nu, nga agbalin kayu nga arig mettas nga ebbing.

Ngarud, ya kangrunaan kadiya iturayan niya Nailangitan, itu ya mangipababa iya pangpanggep na nga arig nga pangpanggep nidi nga ebbing.

Ket ya mangrispitar iya isa nga agten idi nga ebbing gapu iyaken, ket iyaken met ya rinispitar na.”

“Ngarud, pudnu met nga ya orey nagan na nga iparit nu idi nga lubung, itu met ya maiparit enna langitin. Se̍ ya orey nagan na nga ipalubus nu idi nga lubung, itu pe̍ yin ya maipalubus enna langit.

“Ket agten met pe̍ iyan ya wanglen niya nailangitan nga Amac iya tunggal isa dakayu, no madi kayu pakawanen nga sipupudnu ya kabsat nu,” kunen na.

“Ngem ya orey nagan na nga makaigapu ka panagbasul niya isa nga agten kadidi nga tekkut nga ebbing nga agtalec iyaken, nabarbaru met para iyan nga pakaigapuwan niya panagbasul, no pagbanagan na kuma ya mabaudan ka dackel nga takiyew ya tengnged na, se̍ mailned din iya nasalem niya baybay.

“Nagan ya kunen nu idi: No uwed kuma sangagasut nga karne̍ru niya isa nga toley, ket naiyaw-awanin ya isa kadito karne̍ru, nagan ngata ya wanglen niyan nga toley yin? Di na ngarud panawan diya siyam nga pulu ket siyam nga karne̍ru iya tageytey nga pagar-araban da, ket mawe̍ na sapsapulen ya naiyaw-awan? Ket tutu met!