Популярни библейски стихове от Matayo 7

Споделяне

Lombagi, na mukwinhiwa: kobagi, na mukubona: komagulagi, na mukwigulilwa.

Iki buli munhu uyo ulomba, wanukula; na uyo ukoba, ubona; na uyo ukomagula, akwigulilwa.

Kulwa iyo uyo ose akwigwaga mihayo yane iyi, na kwiyita, nakungʼwikolanija na munhu wa masala, uyo akazenga numba yakwe ha itale

Kulwa iyo, iyo yose mutogilwe banhu bangʼwitile bingʼwe, mubitile nabo giko; iki hu gwene shilagilo na bahangi.

Iki mita guli mpine, na ipalapala lya kuja mu bupanga lyene ipine, nabo abalibona bene bagehu.

Bitilagi mu mita mpine, iki mita guli ngali na ipalapala lya kuja mu kuyagala lyene igali, nabo ababitila mo bene bingi.

Ulu bingʼwe aba muli ba bubi, mumanile kubinha bana bingʼwe shinhu sha wiza, angu, Singʼwe ali ngʼwigulu atutinda no kubinha shinhu sha wiza abunomba?

Mutizulekanya, mutizulekanyiwa ningʼwe. Iki na kulekanya uko mukulekanyaga bingʼwe ningʼwe mukulekanyiwa chene: na ngelekelo iyo mukugelekelaga nayo, ningʼwe mukugelekelwa chene.

Na uyo ose akwigwaga mihayo yane iyi, na kwiyita yaya, akwikolanijiwa na munhu mbuuli, uyo akazenga numba yakwe ha maseni

Kulwa nguno ki ulikalola kapalala akali mu liso lya nduguyo, aliyo utiganikaga ngamba uguli mo mu liso lyako bebe? Nulu ukungʼwila kinahe nduguyo giki, Leka nakwingije kapalala akali mu liso lyako, aliyo Iola, ngamba guli mo mu liso lyako bebe?

Ilanghanagi ku bahangi bamama, abiza ku bingʼwe mu shizwalo sha ngholo, aliyo mugati bali mhuge nghali. Aliyo mukubamanija ku matwajo gabo. Angu, banhu bakayobaga mizabibu ku mihwa, nulu matwajo ga ntini ku mababanzazu?

Giko buli nti gwa wiza gukatwajaga matwajo ga wiza; aliyo buli nti gwa bubi gukatwajaga matwajo ga bubi.

Nti gwa wiza gutudula kutwaja matwajo ga bubi, nulu nti gwa bubi gutudula kutwaja matwajo ga wiza.

Buli nti ugututwajaga matwajo ga wiza gukengʼenhwa, na guponyiwa mu moto.