Популярни библейски стихове от GÉNESIS 27

Споделяне

Taita Diosca jahua pachamanta garhuata cachachun. Allpaca alli granocunata p'ucuchun. Trigotapish, llullu vinotapish yallitaj achcata cuchun. Pueblocunapish, llajtacunapish cambajta rurajcuna cachun. Cambaj ñaupajpi cumurichuncuna. Cambaj huauquicunapajpish mandaj cangui. Cambaj huauquicunaca cambaj ñaupajpi cumurichuncuna. Canta imapish tucushca alli canman nijcunaca paicunaraj imapish tucushca cachun. Canta alli cashca cachun nijcunaca, paicunapish alli cashca cachun” nircami.

Chaimi Esauca: –Chashna cana cajpimari paitaca Jacobta shutichishcanguichij. Paica ñucataca caihuanca ishqui cutinmari ña uman. Sarunca punta churi cashcatami quichurca. Cunancarin ñucata alli cashca cachun ninatamari quichushca nishpami: Yayito ñucata alli cashca cachun ninapajca manachu charinguiraj– nirca.

Ashtahuanpish paipaj yaya Isaacca, Esautaca: “Canca alli granocunata p'ucuj allpamanta carupimi causangui. Jahua pachamanta urmaj garhuamantapish carupimi causangui. Cambaj espadamantami causangui. Cambaj huauquipajta rurajmi cangui. Shina cashpapish ña c'ari c'ari tucushpaca shujtajpajta ruracushca yugomantaca chaspirishpami cachariringui” nircami.

Chaimi Esauca paipaj yayataca: –Ñuca yayitolla, alli cashca cachun ninataca ¿shujllatachu charingui? ¡Ñuca yayitolla, ñucatapish alli cashca cachun nillari!– nishpami Esauca jatunta caparishpa huacarca.