Популярни библейски стихове от मत्ती 4

Споделяне

येसुए, “धर्मसास्‍त्रल अइ लिद सर्सिउ लिज़्‍या, ‘मिँलाई ज़्‍यावए वाज़ माङाव। ङाज़्‍याव परमेस्‍वरए ओयाःनी पुलुस्‍ज़्याव पाँए ची,’ ” है दोक्‍यो।

नाःत ज़ येसुए, “ए सैतान, ङानी पुलुस्‍द बान्‍के। धर्मसास्‍त्रल इताव सर्सिउ लिज़्‍या, ‘नप्रभु परमेस्‍वरए ओङ़ाक फुलुप्‍सिद होए ओसेवा वाज़ दान्‍या ताए,’ ” है ओदोक ते

नकिन येसुए सैतानलाई, “धर्मसास्‍त्रल आव मनी सर्सिउ लिज़्‍या, ‘नप्रभु परमेस्‍वरलाई जाँचिन्‍या माताए,’ ” है दोक्‍यो।

येसु ननी पुलुस्‍द ओबाज़्‍याक ‘येसुलाई सैतानए घजाँचिउक’ लिद परमेस्‍वरए छैंव उपुरूसए तोबो साइँसुइँव पोङ लाँक्‍यो। नल चालीस दिन, चालीस रात भरी काता ज़ माज़्‍याद ओल्‍योए ओकरेए माधुनाक्‍यो।

येसुए नोनिलाई, “ङास हुचिन्‍के, जिनलाई ङाँःर जिन्‍राखिम्‍ज़्‍याव मिताव मिँर खिम्‍न्‍या ङाजैचिन्‍रिज़्‍या,” है उनिदोव प़ाइँना ज़, नोनी निजालर ख्‍यानैद ओलस ज़ बाकिनी।

है जैद येसु गालीलल ओबावकिन ज़ परमेस्‍वरए ओपाँ अइ लिद यासथैक्‍यो, “स्‍वर्गताव राज्‍या सो हुरिके। है जैद जेपापलाई ऱास्‍द परमेस्‍वरए ल्‍योदा जेयुँ फर्कैचिके।”