Популярни библейски стихове от Génesis 13

Споделяне

Noqaqa tukuy rikusqayki jallp'ata qosqayki. Chay jallp'ataj qanpaj, jinataj mirayniykipajpis wiñaypaj kanqa.

Lot ripusqanmanta qhepaman Tata Diosqa Abramta nerqa: Maypichus kashanki, chaymanta wichaynejta, uranejta, inti llojsimuynejta, chantá inti yaykuynejta ima allinta qhaway.

Mirayniykita t'iyuta jina mirachisaj. T'iyoqa mana yupay atina, ajinallataj mirayniykeqa mana yupay atina kanqa.

Jina kajtenqa, Abram Lotta nerqa: Qanwan noqawanqa ayllu masintin kanchej. Chayrayku noqanchejpura mana phiñanakuyta atisunmanchu, nitaj michejninchejkunapis phiñanakuyta atillankutajchu.

Chantá Abramqa toldonta phaskaspa, tiyakoj riporqa, Hebrón llajta qayllapi maypichus Mamré sutiyoj runajta encina sach'an karqa, chaynejman. Chaypipis uj altarta Tata Diospaj ruwallarqataj.

Chantá Lotqa tukuynejta qhawarqa, astawanqa Jordán mayu valleta Soar juch'uy llajtakama. Chay jallp'aqa yakuyoj karqa, Tata Diospa huertan jina sumaj, Egiptopi jallp'aman rijch'akojtaj. Chay karqa, manaraj Tata Dios Sodoma llajtata, Gomorra llajtatawan chinkachishajtin.