Популярни библейски стихове от San Juan 17

Споделяне

Yajmasa'najojcʌtʌquia mis nwiyuŋbʌ tiyʌpit. Te' wiyuŋbʌ tiyʌ, miste'ne' ndzame.

Iwʌ'smij ispʌcpa que mijte' te' tumʌpʌ y wiyuŋšejpʌ Dios, y ispʌcpa'ʌj que ʌjte' te' Jesucristo, y que misʌjyʌ' ŋgʌ'weju, te'wʌ's pya'twa'a ja'n yayepʌ quenguy.

Pero ja'nʌj nwa'coy na' yʌ'ta'mbʌcotoya, sino que nwa'que'tpa'ʌs te' maŋbapʌ'sma'ʌj wʌ'aŋjamyajupʌcotoya yʌ'ta'mbʌ's 'yaŋma'yoquiupyit. Yʌ'še'ʌs nwa'cpa wa'y tumo'oyj quipsoyaju myuma'ŋgʌ'y, jujcha' ʌsne', Tatay, miji'ŋ tumo'oyjtyʌ ŋguipsoquiuy. Te'šejtijque' ñe'cʌta'm wa'y tumo'oyj quipsoyaju jujcha' tʌ mejtzji'ŋ, wa'y wyʌ'aŋjamyaju jana wʌ'aŋja'moye's que misʌjyʌ' ŋgʌ'weju.

Ja'ʌsmij nwa'cjay wa'mis nyajʌcʌ'yaju najsacopajcʌsi, sino que wa'mis ŋgomaquiaju yatziwʌpit.

Jujcha' misʌj nyajmʌja'ŋaju, te'še'ʌs nyajmʌja'ŋajyajque'tu ñe'cʌta'm wa'y tumo'oyj quipsoyaju jujcha' tʌ tumo'oyjtyʌ quipsoytyamba mejtzji'ŋ. Ʌj tʌjcʌwya'mʌj ñe'ta'm choco'yojmo, y mij, ñdyʌjcʌyumij ʌs ndzoco'yojmo, wa'y tumo'oyj quipsoyaju choco'yojmo myuma'ŋgʌ'y. Y como tumʌpʌ quipsoquiuytyʌ nʌtu'ŋajpa, te'wʌcʌsi maŋba myujšaju jana wʌ'aŋja'moye's que misʌjyʌ' ŋgʌ'weju, y ʌj misʌj sunbašej, te'šejmis sunjayajpa ʌs nwʌ'aŋja'moye.