Популярни библейски стихове от Marcos 12

Споделяне

Jesús tsi' su'be: —Jiñi ñumen ñuc bʌ mandar ti' pejtelel jiñʌch: “Ñʌch'tanla israelob, jiñi lac Yum Dios, juntiquil jach. C'uxbin a Yum Dios ti pejtelel a pusic'al, ti pejtelel a ch'ujlel, ti pejtelel a ña'tʌbal, yic'ot ti pejtelel a p'ʌtʌlel”. Jiñʌch jiñi ñumen ñuc bʌ mandar. Lajalʌch jiñi i cha'p'ejlel bʌ mandar: “C'uxbin a pi'ʌlob che' bajche' ma' bajñel c'uxbin a bʌ”. Ma'añic yam bʌ mandar ñumen ñuc bʌ bajche' ili cha'p'ejl mandar, —che'en Jesús.

Jesús tsi' pʌyʌ tilel xcʌnt'añob i cha'añ, tsi' su'beyob: —Isujm mic su'beñetla, jiñi me'ba' x'ixic mach bʌ añic i chu'bʌañ tsa'ix i yʌc'ʌ ñumen ca'bʌl bajche' pejtelel yaño' bʌ tsa' bʌ i yʌc'ʌyob i taq'uiñ ti' yajñib. Come ti pejtelelob tsi' yʌc'ʌyob jiñi loc'sʌbil bʌ ti' yonlel i chu'bʌañ, pero jiñi me'ba' x'ixic mach bʌ añic i chu'bʌañ tsi' yʌc'ʌ pejtelel i tojol i bʌl i ñʌc'.

Tsa' buchle Jesús ti' tojel i yajñib ofrenda, tsi' q'uele wiñicob x'ixicob woli i yʌc'ob i taq'uiñ ti' yajñib, che' ja'el ca'bʌl wen chumulo' bʌ tsi' yʌc'ʌyob ca'bʌl i taq'uiñ. Tsa' tili me'ba' x'ixic mach bʌ añic i chu'bʌañ, tsi' yʌc'ʌ cha'q'uejl taq'uiñ, ts'ʌcʌl bʌ mi' loq'uel ti lujump'ejl centavo.

Mi tsa' laj c'uxbi Dios ti pejtelel lac pusic'al, ti pejtelel lac ña'tʌbal, ti pejtelel lac ch'ujlel, ti pejtelel lac p'ʌtʌlel, mi tsa' laj c'uxbi lac pi'ʌlob ja'el che' bajche' mi lac bajñel c'uxbin lac bʌ, jiñʌch ñumen ñuc bʌ bajche' pejtelel pulem bʌ i majtañ Dios yic'ot tsʌnsʌbil bʌ i majtañ, che'en.

Jesús tsi' su'beyob: —Aq'uenla César chuqui i cha'añ César, aq'uenla Dios chuqui i cha'añ Dios. Tsa' toj sajtiyob i pusic'al cha'añ Jesús.