Популярни библейски стихове от Mareko 13

Споделяне

Ane kam na ribaaki irouia aomata nako i bukin arau, ma ane nanom'aaka ni karokoa matena, ao e na kamaiuaki.

Kam na tarataraingkami, ao kamarurungngkami b'a kam aki ata rokon te tai arei.

Ngkana kam tauaki ao kam kateaki i matan te kabowi, ao tai katabei moa nanomi n iangoi taeka ake kam na taekin; b'a ngkana e a roko taina, ao kam na atong taeka ake kam na anganaki. B'a taeka ake kam na atong, a aki nako mai roumi; a nako mairoun te Tamnei are Raoiroi.

A na mauna karawa ma aonnaba, ma a na aki kona ni mauna au taeka.

“Akea ane ata rokon te bong arei ke te aoa arei; ao a aki ataia naba anera ake i karawa, ao E aki ataia te Nati; ma ti te Tama ae ataia.

Ao ngkana kam ongo rongorongoni bo ni buaka aika kaan ma aika raroa nako, ao kam na aki maaku. Ane a na roko baikanne, ma e tuai n roko te toki.

Ma ngaia ae kam na kamarurungngkami, b'a kam aki ata te tai are e na roko iai mataniwin te auti, b'a tao e na roko n te moa n tairiki, ke n te nukanibong, ke i mwin te nukanibong, ke n te moa n ingabong. Ngkana e karina rokona, ao e riai b'a e na aki noringkami b'a kam matu. Ae I tuangngkami ao bon au taeka naba nakoia aomata nako: Kam na tantani.”

Ane e na tei rake te botannaomata teuana ni buakana te botannaomata teuana, ao te uea temanna ni buakana te uea temanna; ane e na roko m'aeiein te aba n taabo nako, ao ane a na roko roongo. Aikai karawawata aika a na roko moa.

Ma i m'ain rokon te toki, ao e riai b'a e na tataekinaki te euangkerio nakoia botannaomata ni kabaneia.

A m'aiti aomata akana na roko, akana a na araniia n arau, ao a na kangai, Boni Ngaia ngai! Ao ane a na kekeweia aomata aika bati.

“Ma kam na tarataraingkami, b'a ane a na kateingkami i matani kabowi, ao ane kam na oreaki i nanoni m'aneabaia I-Iutaia; ao ane kam na tei i mataia taan tautaeka ma uea i buku, b'a kam na taekina te koaua nako ia.

Ane a na kaoti kristo ni kewe ao burabeti ni kewe, ao a na kaoti kanikina ma b'aai ni kamimii, b'a a na burebureia ake a rineaki, ngkana a kona.

“Ni boong akana i mwin te tai are a karawawataaki iai aomata, ao ane e na karooaki ootan taai, ao e na akea ootan nam'akaina, ao ane a na b'aka itoi mai karawa, ao m'aaka ake a mena i karawa a na bitaki man aroaroia.