Популярни библейски стихове от Ruka 1

Споделяне

B'a akea te b'ai teuana ae na aki konaki ni karaoaki iroun te Atua.”

Ao e kangai Nei Maria, “Aio ngai ae ana toro te Uea! E na karaoaki nako iu n ai aron am taeka.” Ao e nako te anera mai rouna.

E taku te anera nako ina, “Ane E na ruoniko te Tamnei are Raoiroi, ao ane e na rabuniko m'aakan te Atua are Moan te Rietaata; ma ngaia are te teei ane na bungiaki, E na atongaki b'a Raoiroi, ae Natin te Atua.

Ao e a kab'aia neie onimaki b'a e na kakoroaki bukin te baere taekinaki nako ina mairoun te Uea!”

Ao noria, ane ko na bikoukou ao ane ko na bungiia te nati te mm'aane, ao ko na aranna b'a Iesu. Ane E na kakannato, ao E na aranaki b'a Natin te Atua are Moan te Rietaata; ao te Uea ae te Atua, E na anganna te nakoa n uea n ai aron are e a tia n reke ngkoa iroun Tawita are ana bakatibu; Ao ane E na uea i aoia aomata nako ake a riki mairoun Iakob'a; ao e na akea tokin ueana!”

E taku te anera nako ina, “Tai maaku, b'a E a reke i roum te akoaki mairoun te Atua.