Популярни библейски стихове от Nau Ntơm 3

Споделяне

Jêh ri bu ur i nây say play si i nây dŭm ueh ngăn, ŭch ma sa ro, păng kơnh geh nau gĭt blao i ri, n'ho ma tât păng pĕ sa. I sai păng gŭ đah păng nơm ta nây đŏng, jêh ri pă ăn i sai păng sa, i sai păng sa đŏng.

Ntơm nơh geh du mlŏm bêh jêng mpômpa (siŭm) bri, păng blao rlăm nau rlao bu, đah ma mpômpa (siŭm) aƀă êng ta bri i Brah Yêhôva lĕ jêh njêng. Geh du nar bêh nây ôp ma bu ur i nây: “Hơi yôh, ngăn lah Kôranh Brah lah nơh: «Mâu ăn khân ay may sa play dâng lĕ ta mir dja?»”

Jêh ri Gâp ăn geh nau tâm lơh may, đah bu ur i nây Ndrel ma rnoi deh bu ur i nây, đah ma i kon sau may tay đŏng Rnoi deh păng tay mra jot bôk may Jêh ri may tay mra chôk rmăng iăr rnoi deh păng đŏng”.

Jêh ri Brah Yêhôva lah ma bu ur i nây đŏng: “Dôl ay gŭ oh Gâp ăn ay geh nau jêr hô rlao jât Ay geh nau ji ndŭl hô ngăn ro Nuih n'hâm ay mra ŭch ngăn mât bôk sai ay Tih ma sai ay mât bôk ay”.

May jan kar lôh rhal pal mlay ngăn Ri mơ geh ndơ sông sa ma siăm săk tât khât nkre ma lêk tay ta neh Yorlah Gâp sŏ mon may nơh tă bơh neh môi Kơt ndri may mra jêng tay neh môi kơt ơm đŏng”.

Jêh ri Brah Yêhôva lah Ađăm đŏng: “Gâp rtăp neh dja, mâu ôh ăn geh jêng Yor ma may iăt nau ur may sa play bơh tơm si i Gâp mâu ăn sa nây nơh Ndri dâng may joi ndơ sông sa pŏk neh rơah rgănh ăp nar du njăr nau rêh may.

Brah Yêhôva ôp jât: “Bu moh mbơh ma may, dâng may gĭt lah gŭ lahôk? Gĭt may geh sa play si i Gâp buay mâu ăn may sa nơh mâu?”

Jêh ntrŭt mprơh khân păng du lôh bơh mir Êđen i nây, Brah Yêhôva ăn tông păr Chêrupin, ndrel ma đao ŭnh rvao njrăng trong, kŏp bơh mpeh lôh nar mir Êđen nây, gay ma lơi ôh ăn bunuyh plơ̆ tay ta tơm si i ăn nau rêh n'ho ro.

Jêh ri Ađăm tê̆ rnha ur păng i nây kuăl lah «Êva», yorlah păng nơh i mê̆ dâng lĕ rngôch bunuyh.