Популярни библейски стихове от Matei 24

Споделяне

Ai, ke e bezex butiola, e mila butengi šudriola. Numa kudo kai ninkerela ži ande o gor avela skipime.

Kadia laši viasta la amperetsiaki avela phendi pe sa e lumia, t'avel marturo ka sa le thema. Atunči avela te getol pe e lumia.

Tume ašunena ke den duma pa le marimata ai e viasta le marimaski; len tume sama te na daran, ke trubul kudala dieli t'aresen. Numa inke či getola pe e lumia.

Jekh them vazdela-pe pe jekh kaver them, ai jekh amperetsia pe jekh kaver amperetsia, ai avena, ande but thana, bokha ai isdrala e phuv. Sa kudia si ferdi ke len pe le dukha.

O čeri ai e phuv nakhena, numa muře vorbi či xasavona.

Ke but avena ande muřo anav, phenena: Me sim o Kristo. Ai von diliarena bute ženen.

Atunči dena te kjinuin tume, ai mudarena tumen; ai tume avena vuřitsi sa le themenge, pala muřo anav. Kadia but perena ai von puřina pe, vuřitsina jekh kavres. But falši profeturi vazdena pe, ai diliarena bute ženen.

O Jesus del len palpale: Len tume sama te na khonik te na diliarel tume.

Sa anda kudia, vi tume, len tume sama, ke o Šiav le manušesko avela ande o časo kai tume či dena tume godji.

Len tume sama, ke tume či žianen če dies o Baro avela.

Kana avela kudo dies ai kudo časo, khonik či žianel, či le andželi anda o čeri, či o Šiav, numa ferdi o Dad.

Ke uštena falši Kristuri ai falši profeturi; von kerena bare šodimata ai čudeni, kadia te diliaren, te šai daštin, inke le alomen.

So areslo ande e vramia kana sas o Noa, sa kadia aresela kana avela o Šiav le manušesko. Ke, ande le dies angla savořende o baro pai kai tasadias sa, le manuš xanas ai penas, ansurinas pe ai ansurinas penge šiaven, ži ka o dies kai o Noa dias andre ande o čuno; ai von či gindinas pe ka khanči, žikin či o baro pai avilo ai tasadias le sa: Sa kadia avela kana avela palpale o Šiav le manušesko.