Популярни библейски стихове от Marcos 2

Споделяне

Nezineg haazà ni Jesus ne midtavak sikandin pinaag̵i te sempità, ke sikandin te, “Sikan is wazè din daru, ne kenà egkinahanglan he ebewian, kekenà, iyan dà sikan is duen din daru. Siak, wazà a medhendini wey ku ikepeengked te ed-ulaula te mezaat is menge metazeng, kekenà, iyan is menge mesinupaken te Megbevayà.”

Ne si Jesus, hein nesavut din he zekelà is kedsarig dan kandin, migkeg̵iyan din haazà is etew he minatey is divaluy he lawa zin te, “Mama, nepesaylu en is menge salè nu.”

Ne minsan pa zutun wazè dan mekesalà. Iyan aney he midlimbag te Megbevayà is etew ne human din insug̵ù is Andew te Kedhimeley, he ke và dà egkeg̵iya, mahal is etew, kenà is Andew te Kedhimeley.

Ne kenè dan ebpekeuvey ziyà te ki Jesus tenged te utew mezakel he menge etew he nengeamur-amur zutun. Ne zutun mibudsiyan dan is atep he renged ni Jesus ne hein meluag en haazà is budsi, ne midteyuntun dan diyà te ki Jesus haazà is etew he impehizeg̵à diyà te zuyanè din.

Pinaag̵i te kebewii ku g̵untaan kayi te etew, ibpeehè ku keniyu he siak is Kakey te Menusiyà, duen ku keg̵ehem dini te lumpad te kebpesaylu te salà.” Ne zutun migkeg̵iyan din haazà is etew he minatey is divaluy he lawa te, “Sikew, Mama, enew ka; kuwaa nu heeyan is duyanè nu ne ulì ka.”

Su hendei zapit is egkehimu te etew zà duen? Iyan be is kebpesaylu te salà kayi te etew he minatey is divaluy he lawa zin, wey ke iyan is kegkeulii kandin wey sikandin mekeenew ne mekuwa zin is duyanè din ne mekehipanew?

Ne zutun, haazà is etew, mid-enew sikandin ne migkuwa zin haazà is duyanè din ne midlawang puun dutun te valey ne naahà haazà te langun he menge etew zutun. Ne is menge etew, hein neehè dan haazà ne utew zan nengeinuinu ne midalig dan is Megbevayà. Ne ke sikandan te, “Wazè tew pa keenu maahà is iring kayi!”