Популярни библейски стихове от Mateo 24

Споделяне

Ne tenged te kebpekeeneb te kelelalung te menusiyà egkeawà diyà te g̵ehinawa te kezekelan dutun is kebmahala zan te zuma zan. Iyan, sikan is kemulu pa edtuu ke egkeuma haazà is ketepusan te menge kemeresayan, iyan ebeg̵ayan te untung he wazè din pidtemanan.

Ne idsangyew ziyà te tivuuk he kelibutan heini is Meupiya he Tudtulanen te keag̵i te kedhadì te Megbevayà wey metueni heini te tivuuk he menusiyà. Ne emun egkepasad en haazà ne iyan en ketepusan.

Egkezineg niw ziyà te uvey niw is meg̵urub tenged te g̵ira ne egkezineg niw zaan is tudtul te menge g̵ira ziyà te meziyù he tanà. Iyan, kenè kew mahandek su kinahanglan he egkeulaula is iring kayi te kenè pa edtepusen heini is timpu.

Ebpekidtebek is sengeinged te zuma zin he inged; ne egira is sengeg̵inhedian te zuma zin he g̵inhedian. Egkehitavù is bitil wey menge linug diyà te minsan hendei. Iyan, heini he egkehitavù, ne iring te ed-anak he sikan pa ebpuunà is belilit din.

Egkehanew is langit wey tanà, iyan, heini is migkag̵i ku, kenà mulà egkehanew te minsan keenu.

Su mezakel is ebpenlepew he egamit te ngazan ku ne egkag̵i is kada sevaha zutun he iyan sikandin sikan is mibpilì te Megbevayà he ibpahadì! Ne mezakel is ebpeketuu te menge tarù dan.

Egkuntedahan kew te tivuuk he menusiyà tenged te menge sumusundan ku sikiyu. Ne edekepen kew te menge etew ne ibpalad kew zan diyà te edrasey keniyu ne is duma keniyu edhimetayan dan. Dutun he timpu, mezakel is egkepenulayan ne ibpalad te kada sevaha zutun is duma zin he tumutuu wey mehimetayi ne ebpekunkuntedehè dan. Ne zutun ebpemenlepew is mezakel he teruen he etew he egkag̵i is uman sevaha kandan he ebpeneuven sikandin te Megbevayà. Ne mezakel is egkelimbungan dan.

Ne midtavak si Jesus te, “Andam kew wey kenè kew mekesundan te teruen he etew.

Iring din ded daan, layun kew andam su ebpekeuma a is Kakey te Menusiyà te uras he kenà a keniyu ebperetengen.

Purungpurung kew su kenè niw egketuenan ke keenu he andew is kedlikù ku te Nengazen niw.

Is Amey tew he Megbevayà, iyan dà nesayud ke keenu egketuman heini is langun. Ne g̵awas kandin wazè en nesayud te andew wey uras ke keenu heini egkehitavù. Is menge velinsug̵uen te Megbevayà diyà te langit, wazè dan mesayud, wey minsan siak is Anak te Megbevayà, wazà a zaan mesayud.

Su zuen ebpemenlepew he menge teruen. Ne egkag̵i is kada sevaha kandan te, ‘Iyan a sikan is hadì,’ ne emun kenà, ne ke sikandin te, ‘Ebpeneuven a te Megbevayà.’ Ne ebpemeehè dan te egkein-inuwan wey menge singyal su ibpetuu zan pezem te menge tarù dan, ke egkehimu, is menge pinilì te Megbevayà.

Ne siak is Kakey te Menusiyà, keuzemà te timpu te kedlikù ku zini te kelibutan, ebpekeiring is menge ulaula te menge etew zutun duen te menge ulaula zengan te menge etew zuen te timpu ni Noe. Su te wazè pa medlapey is dag̵at, wazà diyà te isip dan ke hengkey is egkehitavù. Iyan dà neisip te menge etew is kegkebibu ne migkaan dan ne mid-inum dan ne mibpees-eseweey zan taman te midseled en si Noe te zekelà he avang he egngezanan te arka. Ne wazà diyà te isip te menge etew sikan is egkehitavù kandan taman te midlapey is dag̵at ne nengelened sikandan. Ne iring ded dutun keg̵aan is kegketik-ew te kedlikù ku te Kakey te Menusiyà keuzemà.