Популярни библейски стихове от JOHAN 14

Споделяне

Desieyibe ningnui dage I sâudiak kai lei; a gu desieyibe ze ningnui je I pei lei; kedeirei ne pei gum ze I pei me lei. Ningnui lung peize tewhereu se lau, zai peize hing de hing se lau.

Isua ne pechu, “I â ’mpuî zai samsang zai keringbe lei; a dagene makchai â mî de Bepeu dage wang me lei.

“Ningnui lung peize tewhereu se lau; Hera ge ’nnum’mmi lau, zai I ge du ’nnum’mmi lau.

Kane chi Nguageteiliapeu Herui Ka’nchibe, Bepeu ne a ji gene langgairapeu zene mâgetaleine ningnui je geteilia gai gu lei, zai I ne ningnui dage sagai’ndibe leine ze ningnui ’nningdau bam ra pa ne tew gai gu lei.

A gu samdiegaibe ramme pe dage bam, zai chize teika’mmibe kau â achu kehungbe kau lei; zai achu hungbe kau je â a peu ne hung gai bu lei, zai pechu I ne hung gu, zai I sing ne pe dage liâ gu lei,” kacheu lei.

Zai I ne Bepeu dage kie gu lei, dezai ningnui dage betingbeta nguabam-bam ra kêdabe Nguakageteipeu pa ne ningnui je pei gai gu lei, kedeirei ne luchilakbe, kagesangbe Herui du pei gai gu lei, kedeirei â pechu ngau de ngau mak zai chî de chimakbe ziegeneu; ningnui â pechu chî lei, pa ne ningnui dage nguabam-bam dadegeu, zai ningnui ge bam gu lei.

A ji gene ningnui gekiebe leine ze I tew gai gu lei, chidezai pe Na ge Bepeu ngeu-tew’ndi gai be ra hangge zeu; a ji gene ningnui mâ-mâ leine kie dizai â chize I tew gai gu lei.

“Ningnui ne achu hung zai â, I samdiegaibe ramme ningnui tei gu lei.

A peu ki ge hekisiâm misongga la lei; ga laîzaine â ningnui bâm hang teleu ra I tat tu lei, ze ningnui je I acheu ra semei?

Zai I tat ze ningnui bâm hang teleu lu dezai I wangkeu dai ze ningnui je a dage ngua gai gu lei, I bambe ge ningnui du bam ra hangge zeu.

Thomasbe ne pechu, “Heguang gau, nang ’ndai’ngge tat ra mei be anui â chî me lei; ’ndaigum ze ’mpuî anui chî le ra lau?” kacheu de lei.