النسخة العربية الحجازية الجديدة Hijazi New Arabic Version ‪This work is made available under the Creative Commons Attribution-ShareAlike 4‪.0 International License (CC BY-SA). To view a copy of this license, visit http://creativecommons.org/licenses/by-sa/4‪.0 or send a letter to Creative Commons, PO Box 1866, Mountain View, CA 94042, USA. ‪If this work is desired as a source text for modification, alternative dialect translation or other derivative work, permission must be sought from Strategic Resource Group. All such derivative work must indicate what changes have been made and attribute the work as follows: “The original work by Strategic Resource Group is available for free on YouVersion and www.Bible.com." ‪You must also make your derivative work available under the same license (CC BY-SA). Strategic Resource Group may be contacted at info@srginc.org.

Hijazi New Arabic Version

وبعد اربَعطَعشر سنة، طلعت مره ثانية الين اورشليم مع بَرْنَابَا، واخذت معايا تِيطُسَ كمان۔ وأنا رحت ليها استجابة للوحي؛ وحطيت قدامهم الانجيل اللي ابشر فيه بين الأمم، بس على انفراد قدام البارزين مِنَّهُم ، عشان ما يكون تعبي دحين ومن الأوَّل على الفاضي۔ بس حتى تِيطُس اللي كان جاي معايا وهوا يوناني، ما أضطرّ انو ينختن. بس الهرجه أتشَعللت بسبب الإخوان الكذابين اللي اتسرسبوو ودخلو بيننا، واندسو عشان يِتجسسو على حُرِّيَّتْنا اللي هي حقتنا في المسيح يسوع، عشان يرجِّعونا للعبوديَّة ؛ بس ما استسلمنا لهم ولا حتَّى ساعة وحده، عشان يِفضَل حقَّ الانجيل ثابت عندكم۔ أما اللي كانو يُعتبر انهم مهمين ولهم مكانة، ولا يفرق عندي لو ايش كانت مكانتهم مادام الله ما يجامل إنسان، لأنهم ما زادو شيْ على اللي بأبشَّر فيه۔ بس بالعكس، همَّ شافو إنو أتعهد ليَّ بالإنجيل عشان اللي ما هم مختونين ، زي ما أتعهد بيه لبُطْرُسَ لأهل الختان اللي همَّ اليهود ۔ لِأنو اللي أستخدم بُطرس في رسوليته لأهل الخِتان، أستخدمني كمان بالنسبة للي همَّ غير اليهود۔ ولماَّ وضحت النعمة اللي أنا أملكها لي يَعْقُوبَ وَبُطْرُسَ وَيُوحَنَّا، وهمَّ اللي كانوا من البارزين بإعتبارهم أعمدة، مدوُّ ليا ولبَرْنَابَا أياديهم اليمين إشارة منهم للمشاركة، وبكده نروح إحنا لغير اليهود وهمَّ لأهل الختان، وكمان مولازم نطنش أو ننسى موضوع الفقرا، مادام تعبت في عمل ذا الشي۔

بس لما جا بطرس لمدينة انطاكية، قاومتو وجهًا لوجه لإنو كان يستاهل انويتعاتب و ينلام۔ لإنُّو قبل ما جو بعض النَّاس من عِند يعقوب، كان بطرس بياكل مع الاخوة اللي هم َّ من الأمم؛ بس لما جو دولاك، انسحب وعزل نفسو، لإنُّو كان خايف من أهل الختان۔ ومشي معاه في النفاق بقيَّة الأخوان اللي من اليهود۔ وحتَّى بَرْنَابَا أنجر وراح معاهم لِنِفاقَهُمْ۔ فلمَّن شفت انهم مو سالكين بإستقامة بحسب الإنجيل ، قلت لبطرس قدام الموجودين كُلَّهُم: «اذا كنت، وانت يهودي، عايش زي الأمم مو زي اليهود، فكيف تجبر الأمم انو يعيشو زي اليهود؟»
إحنا يهود بالولادة ، ومو من الأمم المذنبين ۔ بس إحنا، ما دام عرفنا انو الانسان ما يتبرر على اساس الاعمال المطلوبة في الشريعة لكن بس الإيمان في يسوع المسيح، آمنا إحنا كمان بالمسيح يسوع، عشان نتبرَّر على اساس الايمان به ، ومو على اساس أعمال الشريعة، لأنو على اعمال الشريعة ما رح يتبرَّر اي أحد. بس، واذا كنا و نحن يهود نبغى نتبرر في المسيح زي بقية الأمم لأننا مذنبين كمان، طيِّب هل يعني هذا إنو يكون المسيح خادم للخطيَّة؟ لا حاشا! لإنِّي لو رجعت أبني اللي هدمتو، كده رح أخلِّي نفسي مخالف۔ لكني، بالشريعة، مت عن الشريعة، عشان أحيا لِله۔ مع المسيح إنصلبت، فأحيا بس مو انا لكن المسيح هو اللي يحيا فيَّا۔ بس الحياة اللي أحياها دحِّين في الجسد، أعيشها بالإيمان في ابن الله، اللي حبني وضحَّى بنفسو عني. انا ما أوقّف عمل نعمة الله، لإنو لو كانَ البر بالشريعة، لكان موت المسيح عمل مالو داعي۔

Слушайте غلاطية 2