Kosarek 2023 WBT Non-drama NT

Kosarek 2023 WBT Dramatized NT

<div class="version vid3740 iso6393kkl" data-vid="3740" data-iso6393="kkl">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="s1">Yesusti aobare nang mikip nenero pogsiogha</div><div class="r">(Markus 3:13-19; Lukas 6:12-16)</div><div class="p"> 1Ik nhon sum Yesusti yubu ka'ero neleptop nang aobare nang yopsiogti, eldi sinag mikipne tatsiog. Mikipne sinag tarelamsiog nena, &#8220;Nimi kulomag phia yonge ua ulamsilne yag lanalamsimundi, naikna naiktoba niap, nimi nongag kikiptoba niap wali nenelamsululom,&#8221; aro sinag mikipne tatsiog.#Matius 4:23-24</div><div class="p"> 2Sin aobare nang wepto pogsiog nang taneko sina, Simon si nhon Petrus el samne. Simon elkae Andreasap, Zebedeus elme Yakobusap, Yakobus elkae Yohanesap, 3Filipus apna, Bartolomeusap, Tomasap, Roma nimi sembe kamna poloro toropne Matius apna, Alfeus elme Yakobusap, Tadeusap, 4Simon, el si nhon, mo sekukap aro yin saleropne poneko apna, Yudas Iskariotne, eldi amik sum Yesus pan khebaogne ponekoap Yesusti wepto pogsiog nang taek.</div><div class="s1">Yesusti, &#8220;Ambarel phululom,&#8221; aro aobare nang pogsiogha</div><div class="r">(Markus 6:7-13; Lukas 9:1-6)</div><div class="p"> 5Yesusti aobare nang taneko yubu ambatto poglamsiogti, &#8220;Yahudi kom nimiri pang-yang ua urobag peheng kom. Samaria nimiri asag babe peheng kom. 6Ot a'un pululomagna, sin Israel nimiri likto pirop nimi pham domba ekel ina piloa saog wamang nimi o'omne nenero sinag pululom. 7Sinag ambatto poa tongolamsululom nena, &#8216;Imagne ponekori mog so'oag nimi saelbamsilula peram tal,&#8217; aro ambarelamsululom. 8Nimi naiktopne wali nenelamsululom. Nimi teptopne kamag nenelamsululom. Kon tero polorop nimi kut nenero whelamsululom. Phia nimi kulomag wamsilenge yag lanalamsululom. Kamna toro koma mikipne a'unag palilamna ane sembe, a'undi babe kamna moloro koma nimi wali nembahinepne neneko ambarelamsululom. 9-10Nimi nhondi awe toamnari, eldi kwaneng teneba torop taneogna sunsunum. Ane sembe a'un palapmundi, a'undi uwoghag noptop aghag kamna kaptoba emas to, perak to, tembaga to liro poa peheng kom. A'un palapmundi, liro poro amnep ag babe, ag nongag wanganneap yanag wanganneap lumbanepne babe, kame tunguna babe poa peheng kom.</div><div class="p"> 11A'un as nubungeag to, ologneag to wa'al pimun tanena, sunsunum urop nimi ebahilulom. Sindi aeag malapmundi, as anekoag wamik nimi sembe komopto ambatsimun taneogna, laplobi agha as anekoag agha lambamundi, wali pululom. 12A'un topsile nimi enekori aeag wa'alapmundi, &#8216;Wah,&#8217; aro kipsululom. 13Ae lomag nimi tanekori sunsunum uro a'un kiplamsiik tanena, a'undi sinag, &#8216;Allahri a'un wana aingnibahilul,&#8217; aro kipsimun yubu eneko ae lom eneko nimiag ua ulamlul. A'un kipsin koma a'un wa'eptop yubu lelamik tanena, a'undi sinag, &#8216;Allahri wana aingnibahilul,&#8217; aro kipsinep yubu neneko sinag wamle komdi, a'unag samoro yalul. 14A'un nhonag pimunba, nimi tanekori a'undi yubu ka'ebaik kom tanena, ae anekoap, as anekoap laplobi agha pululom. Laplobi agha palapmundi, so'o ubun yanag wamlenge lupto pelengel obongkia pululom. 15Yubu sikne agha ambatnuahin. Allahri, &#8216;Tam karebaneri opsinun,&#8217; aro ikinne piple sum eneko, as aneko nimiri a'undi yubu ka'ebaik komne sembe Allahri sinag ikin sirikne pipsilul. As Sodomap Gomoraap samenag wamek nimiri malia ulamekne sembe Allahri sinag pairopne olog ikin, aghana a'undi yubu ambatto tongolamsimunne ka'erop kom nimiag ikin sirikne pipsilul,&#8221; aro ambatsiog.</div><div class="s1">Amik seklebanepne sembe Yesusti ambatsiogha</div><div class="r">(Markus 13:9-13; Lukas 21:12-17)</div><div class="p"> 16Yesusti nen tipto yubu ambarelamsiogti, &#8220;Nari a'un poglamsinne, pham domba agha pai kam yonge wamloa nusamag pogsilo saog uro poglamsin. Ane sembe a'un paghaeri wana olog hektop saog uro wapmundi, winang yalma yonge seneragtop kom saog uro wamlulom.</div><div class="p"> 17-18Nimiri a'un malia ulamsiikne sembe haing whi uro togtangto wamlulom. A'undi nanag neleplamnelomne sembe nimiri a'un salero, &#8216;Luknubahukap,&#8217; aro Yahudi nimi sembe tam kareptop nangag a'un pabalamsiikti, Yahudi nimiri Allah yubu lero winirop aeag agha olamsukang. A'un salelamsiikti, &#8216;A'unna Yesusag sik sembaheng kom,&#8217; aro nimi mog so'o saelba uhirop nang gubernurap, yubu sia lerop nangap whingag pabalamsukang. Sin whingagna, a'undi na Yesus sembe, &#8216;Undo-undo wamori, ulamoba ibobo,&#8217; aro sikne lag nenero ambarelamsululom. Yahudi kom nimiag babe undo yubu ambatsululom. 19Nimiri a'un haing sae kaupto tam kemero kareptobag pabahiik tanena a'undi, &#8216;Yubu lemnun nena sa'a senun,&#8217; aro log sembaheng kom. Sin whingag wapmun sum eneko Allahri a'unag, &#8216;Undo-undo leplulom,&#8217; aro el nembahilul. 20A'undi yubu lelapmunne a'undam nimiri yubu leplulom kom aghana, A'uni Allah Yameri a'un pere agha yubu lelamlul. Ane sembe, &#8216;Sa'a senun,&#8217; aro log sembaheng kom.</div><div class="p"> 21Nanag neleptop nimi sembe ora nimiri karong seikti, ilipsaeap eldoapti, &#8216;Nangkae&#8217; semban koma pan khelamsiikpa opsukang. Iliri babe elme sembe, &#8216;Name,&#8217; semban koma ora nimiri saeag nenero pan khelamsukang. Nimiri sikini sikinin babe pan khelamsiikpa opsukang. 22A'un nanag nelepto nari siag kekhaekto wamlomne sembe nimi niri a'un hausag senelamsukang. Hausag senelamsukang aghana, nimi etneri wana khapto ulamleri, komobalul tanena, Imagneri nimi eneko taluro wali nembalul. 23As soro kalurop as nhonag nimiri a'un, &#8216;Seklebaukang,&#8217; aro ulamsiik tanena, as aneko laplobi agha nen as nhonag merero palamlulom. Nari yubu sikne agha ambatnuahin nena, Israel so'oag ubu paiamang as soro kalurop as ni ambatto tongolamsimunne anam komoban komag na mog so'oag nimi tahinge nen yanun.</div><div class="p"> 24&#8216;El tahane,&#8217; aro ka'ero neleptop nimi nhonna, elag yubu amoropne phibom agha paliag urop kom. Apna nimi arukna urop nimina, ili phibom agha el nubu sirikne urop kom. 25&#8216;El tahane,&#8217; aro ka'ero neleptop nimi nhonna, elag yubu amohiropne saog tanepne agha sunsunum wamla. Apna nimi arukna nhon ili wamnange saog tanepne babe sunsunum wamla. Ane sembe, nari a'un saelba ulamsinba, nimiri na sembe, &#8216;Phia yonge sikini nubunge si Beelzebul,&#8217; aro engelamneong. Sindi na sembe undo lelamneong tanena, a'un nari nimi na siag wamlomne sembe nen ma'aro malinge alamsukangneog wamla,&#8221; seog.</div><div class="s1">Log senehinne sembe ambatsiogha</div><div class="r">(Lukas 12:2-7)</div><div class="p"> 26Yesusti nen tipto yubu lelamogti, &#8220;Nimiri nia mangkina tognolamangne amik sum lag talul. Nimiri nia ni lililamsiangne agha nhon babe ya'ag liliag wamnep komdi, amik sum lag nenep talul. Ane sembe nimi sembe log sembahiseng kom. 27Nari a'un tognorobag ambatsirop yubu eneko nimi ni whingag lag phoro ambatsululom. A'un ao lomag ambatsino yubu eneko, amik sum yubu nubu uro lelapmunba, nimi niri ka'ebaukang. 28Mog so'oag nimiri a'un opsinep nena, a'un nong mo opsinep aghana, nong obi agha lepsinepti, yame omnep kom. Ane sembe nimi sembe log sembahiseng kom. Ot a'undi log senero kiplamlulom nena, Allahri a'un nong ningkiap yameap obi agha nimi teptoba urobag tobogahinepne poneko wamla ane sembe, el agha a'undi log senero kiplamlulom. 29El sembe logti kiplapmunba, eldi a'un sembe paiamsilul. Allahri winang ologne babe ekon tan koma paia ulamsil. Olog winang phende abene kamna kaptoba umag sirikneag agha nimiri tomnep aghana, winang nhon imag agha teptoba timbanepne babe A'uni Imagneri winang aneko ekon tan koma kemelamla. 30-31Nimiri usog lumbanepne winang teng-tengneag agha lumbanep te? A'undi usog winang ologne neneag agha lumbanep kom ane sembe, log sembaheng kom. Eldi winang sembe ekon tan koma paiamsilne ponekori a'undi usog hong babe a'iliro ni lelekto el wamlari paiamsilul.</div><div class="p"> 32Nimi etneri nimi whingag agha, &#8216;Na Yesusap ma'arop nimi wamna,&#8217; aro lag phoro lelamle tanena, Nani Imag wamlange whingag wameberi, nari nimi eneko sembe, &#8216;El nanap nhon ma'arop nimi wamnam,&#8217; aro lag phoro lelamnun. 33Aghana nimi etneri nimi whingag agha na Yesus sembe, &#8216;Nari nimi kom,&#8217; alamle tanena, Nani Imag wamlange whingag wameberi, nimi eneko sembe, &#8216;Elna nari nimi kom,&#8217; senun,&#8221; seog.</div><div class="s1">&#8220;Nimiri na Yesusag a'ero-a'ero seneraglamikne sembe ma'ap tan koma a'ep taukang,&#8221; aro ambatsiogha</div><div class="r">(Lukas 12:51-53; 14:26-27)</div><div class="p"> 34Nen tipto yubu lelamogti, &#8220;A'undi na sembe senelamlomne, &#8216;Mog so'oag wamang nimi, &#8220;Ma'abahinun,&#8221; aro yaog,&#8217; sembaneheng kom. Aghana na wamnange, mal tam nembanepne yahi. 35Na yahinge nenekoag agha,</div><div class="q1">iliap a'ep tangka, &#8216;Elmeri ili aisa nenelamlul.&#8217;</div><div class="q2">Ilinap a'ep tangka, &#8216;Elmangkeldi ilin aisa nenelamlul.&#8217;</div><div class="q1">Elyamalkelap a'ep tangka, &#8216;Elmeri torop keldi aisa nenelamlul.&#8217;</div><div class="q2"> 36Apna, &#8216;Ae lom nhonag nimi aisa nenel dalamukang.&#8217;#Mikha 7:6</div><div class="p"> 37Nimi etneri na Yesus wana abolag nenero ili to, ilin to wana nusamag nembale tanena, nimi eneko nanap ma'ap tangtopne sunsunum kom. Apna nong nimi nhondi na Yesus wana abolag nenero elme to, elmangkel to wana nusamag nembale tanena, nimi eneko nanap ma'ap tangtopne sunsunum kom. 38Nimi etneri eldamne sembe senelamleri, &#8216;Kalag sipto ya'ag omneikagti, siptop kal nene Yesusag nelepto pabalamnun kom,&#8217; aro nanag neleplamnele kom tanena, nanap ma'ap tangtopne sunsunum kom. 39Nimi etneri, &#8216;Na mog so'o eneag wali wamnun,&#8217; aro seneragtopne saelbamle tanena, nimi enekoag kamag uro unne ka'eseptalul. Aghana nimi etneri, &#8216;Na wali wamnepne sae limneri, tebahanea babe Yesusap ma'ap tanunam,&#8217; aro seneragto ulamle tanena, nimi eneko ya'ag kamag uro unne elag talul,&#8221; seog.</div><div class="s1">Kamna tomnepne sembe ambatsiogha</div><div class="r">(Markus 9:41)</div><div class="p"> 40Nen tipto yubu lelamogti, &#8220;Nimi etneri a'un toro pipsile tanena, na babe toro pimneloa saog uro ulamlul. Apna nimi etneri na toro pimnele tanena, na pogneogne poneko toro piploa saog uro ulamlul. 41Nimi etneri Allah yubu silimu tiptopne kipto, &#8216;Allahri yubu tiplamla,&#8217; aro toro piple tanena, Allah yubu silimu tiptopneri tomnep kamna neneko toro pimnep nimi enekoag babe talul. Apna nimi etneri wana porog nimi sembe, &#8216;Wana porogne yepnun,&#8217; aro toro piple tanena, wana porog nimiri tomnep kamna aneko toro pimnep nimi enekoag babe talul. 42A'un nubu nimi wamlom kom aghana, nimi etneri a'un sembe, &#8216;Yesusti yubu ka'ero neleptop nimi wamlom ane sembe, a'un yepsisene,&#8217; aro son mag tebatsile nimi babe, Allahri ekon tan koma nimi eneko sembe kamna tatlul. Yubu sikne agha ambatsin,&#8221; seog.</div>
 </div>
 </div>
</div>

Ik nhon sum Yesusti yubu ka'ero neleptop nang aobare nang yopsiogti, eldi sinag mikipne tatsiog. Mikipne sinag tarelamsiog nena, “Nimi kulomag phia yonge ua ulamsilne yag lanalamsimundi, naikna naiktoba niap, nimi nongag kikiptoba niap wali nenelamsululom,” aro sinag mikipne tatsiog.
Sin aobare nang wepto pogsiog nang taneko sina, Simon si nhon Petrus el samne. Simon elkae Andreasap, Zebedeus elme Yakobusap, Yakobus elkae Yohanesap, Filipus apna, Bartolomeusap, Tomasap, Roma nimi sembe kamna poloro toropne Matius apna, Alfeus elme Yakobusap, Tadeusap, Simon, el si nhon, mo sekukap aro yin saleropne poneko apna, Yudas Iskariotne, eldi amik sum Yesus pan khebaogne ponekoap Yesusti wepto pogsiog nang taek.


Yesusti aobare nang taneko yubu ambatto poglamsiogti, “Yahudi kom nimiri pang-yang ua urobag peheng kom. Samaria nimiri asag babe peheng kom. Ot a'un pululomagna, sin Israel nimiri likto pirop nimi pham domba ekel ina piloa saog wamang nimi o'omne nenero sinag pululom. Sinag ambatto poa tongolamsululom nena, ‘Imagne ponekori mog so'oag nimi saelbamsilula peram tal,’ aro ambarelamsululom. Nimi naiktopne wali nenelamsululom. Nimi teptopne kamag nenelamsululom. Kon tero polorop nimi kut nenero whelamsululom. Phia nimi kulomag wamsilenge yag lanalamsululom. Kamna toro koma mikipne a'unag palilamna ane sembe, a'undi babe kamna moloro koma nimi wali nembahinepne neneko ambarelamsululom. Nimi nhondi awe toamnari, eldi kwaneng teneba torop taneogna sunsunum. Ane sembe a'un palapmundi, a'undi uwoghag noptop aghag kamna kaptoba emas to, perak to, tembaga to liro poa peheng kom. A'un palapmundi, liro poro amnep ag babe, ag nongag wanganneap yanag wanganneap lumbanepne babe, kame tunguna babe poa peheng kom.
A'un as nubungeag to, ologneag to wa'al pimun tanena, sunsunum urop nimi ebahilulom. Sindi aeag malapmundi, as anekoag wamik nimi sembe komopto ambatsimun taneogna, laplobi agha as anekoag agha lambamundi, wali pululom. A'un topsile nimi enekori aeag wa'alapmundi, ‘Wah,’ aro kipsululom. Ae lomag nimi tanekori sunsunum uro a'un kiplamsiik tanena, a'undi sinag, ‘Allahri a'un wana aingnibahilul,’ aro kipsimun yubu eneko ae lom eneko nimiag ua ulamlul. A'un kipsin koma a'un wa'eptop yubu lelamik tanena, a'undi sinag, ‘Allahri wana aingnibahilul,’ aro kipsinep yubu neneko sinag wamle komdi, a'unag samoro yalul. A'un nhonag pimunba, nimi tanekori a'undi yubu ka'ebaik kom tanena, ae anekoap, as anekoap laplobi agha pululom. Laplobi agha palapmundi, so'o ubun yanag wamlenge lupto pelengel obongkia pululom. Yubu sikne agha ambatnuahin. Allahri, ‘Tam karebaneri opsinun,’ aro ikinne piple sum eneko, as aneko nimiri a'undi yubu ka'ebaik komne sembe Allahri sinag ikin sirikne pipsilul. As Sodomap Gomoraap samenag wamek nimiri malia ulamekne sembe Allahri sinag pairopne olog ikin, aghana a'undi yubu ambatto tongolamsimunne ka'erop kom nimiag ikin sirikne pipsilul,” aro ambatsiog.


Yesusti nen tipto yubu ambarelamsiogti, “Nari a'un poglamsinne, pham domba agha pai kam yonge wamloa nusamag pogsilo saog uro poglamsin. Ane sembe a'un paghaeri wana olog hektop saog uro wapmundi, winang yalma yonge seneragtop kom saog uro wamlulom.
Nimiri a'un malia ulamsiikne sembe haing whi uro togtangto wamlulom. A'undi nanag neleplamnelomne sembe nimiri a'un salero, ‘Luknubahukap,’ aro Yahudi nimi sembe tam kareptop nangag a'un pabalamsiikti, Yahudi nimiri Allah yubu lero winirop aeag agha olamsukang. A'un salelamsiikti, ‘A'unna Yesusag sik sembaheng kom,’ aro nimi mog so'o saelba uhirop nang gubernurap, yubu sia lerop nangap whingag pabalamsukang. Sin whingagna, a'undi na Yesus sembe, ‘Undo-undo wamori, ulamoba ibobo,’ aro sikne lag nenero ambarelamsululom. Yahudi kom nimiag babe undo yubu ambatsululom. Nimiri a'un haing sae kaupto tam kemero kareptobag pabahiik tanena a'undi, ‘Yubu lemnun nena sa'a senun,’ aro log sembaheng kom. Sin whingag wapmun sum eneko Allahri a'unag, ‘Undo-undo leplulom,’ aro el nembahilul. A'undi yubu lelapmunne a'undam nimiri yubu leplulom kom aghana, A'uni Allah Yameri a'un pere agha yubu lelamlul. Ane sembe, ‘Sa'a senun,’ aro log sembaheng kom.
Nanag neleptop nimi sembe ora nimiri karong seikti, ilipsaeap eldoapti, ‘Nangkae’ semban koma pan khelamsiikpa opsukang. Iliri babe elme sembe, ‘Name,’ semban koma ora nimiri saeag nenero pan khelamsukang. Nimiri sikini sikinin babe pan khelamsiikpa opsukang. A'un nanag nelepto nari siag kekhaekto wamlomne sembe nimi niri a'un hausag senelamsukang. Hausag senelamsukang aghana, nimi etneri wana khapto ulamleri, komobalul tanena, Imagneri nimi eneko taluro wali nembalul. As soro kalurop as nhonag nimiri a'un, ‘Seklebaukang,’ aro ulamsiik tanena, as aneko laplobi agha nen as nhonag merero palamlulom. Nari yubu sikne agha ambatnuahin nena, Israel so'oag ubu paiamang as soro kalurop as ni ambatto tongolamsimunne anam komoban komag na mog so'oag nimi tahinge nen yanun.
‘El tahane,’ aro ka'ero neleptop nimi nhonna, elag yubu amoropne phibom agha paliag urop kom. Apna nimi arukna urop nimina, ili phibom agha el nubu sirikne urop kom. ‘El tahane,’ aro ka'ero neleptop nimi nhonna, elag yubu amohiropne saog tanepne agha sunsunum wamla. Apna nimi arukna nhon ili wamnange saog tanepne babe sunsunum wamla. Ane sembe, nari a'un saelba ulamsinba, nimiri na sembe, ‘Phia yonge sikini nubunge si Beelzebul,’ aro engelamneong. Sindi na sembe undo lelamneong tanena, a'un nari nimi na siag wamlomne sembe nen ma'aro malinge alamsukangneog wamla,” seog.


Yesusti nen tipto yubu lelamogti, “Nimiri nia mangkina tognolamangne amik sum lag talul. Nimiri nia ni lililamsiangne agha nhon babe ya'ag liliag wamnep komdi, amik sum lag nenep talul. Ane sembe nimi sembe log sembahiseng kom. Nari a'un tognorobag ambatsirop yubu eneko nimi ni whingag lag phoro ambatsululom. A'un ao lomag ambatsino yubu eneko, amik sum yubu nubu uro lelapmunba, nimi niri ka'ebaukang. Mog so'oag nimiri a'un opsinep nena, a'un nong mo opsinep aghana, nong obi agha lepsinepti, yame omnep kom. Ane sembe nimi sembe log sembahiseng kom. Ot a'undi log senero kiplamlulom nena, Allahri a'un nong ningkiap yameap obi agha nimi teptoba urobag tobogahinepne poneko wamla ane sembe, el agha a'undi log senero kiplamlulom. El sembe logti kiplapmunba, eldi a'un sembe paiamsilul. Allahri winang ologne babe ekon tan koma paia ulamsil. Olog winang phende abene kamna kaptoba umag sirikneag agha nimiri tomnep aghana, winang nhon imag agha teptoba timbanepne babe A'uni Imagneri winang aneko ekon tan koma kemelamla. Nimiri usog lumbanepne winang teng-tengneag agha lumbanep te? A'undi usog winang ologne neneag agha lumbanep kom ane sembe, log sembaheng kom. Eldi winang sembe ekon tan koma paiamsilne ponekori a'undi usog hong babe a'iliro ni lelekto el wamlari paiamsilul.
Nimi etneri nimi whingag agha, ‘Na Yesusap ma'arop nimi wamna,’ aro lag phoro lelamle tanena, Nani Imag wamlange whingag wameberi, nari nimi eneko sembe, ‘El nanap nhon ma'arop nimi wamnam,’ aro lag phoro lelamnun. Aghana nimi etneri nimi whingag agha na Yesus sembe, ‘Nari nimi kom,’ alamle tanena, Nani Imag wamlange whingag wameberi, nimi eneko sembe, ‘Elna nari nimi kom,’ senun,” seog.


Nen tipto yubu lelamogti, “A'undi na sembe senelamlomne, ‘Mog so'oag wamang nimi, “Ma'abahinun,” aro yaog,’ sembaneheng kom. Aghana na wamnange, mal tam nembanepne yahi. Na yahinge nenekoag agha,
iliap a'ep tangka, ‘Elmeri ili aisa nenelamlul.’
Ilinap a'ep tangka, ‘Elmangkeldi ilin aisa nenelamlul.’
Elyamalkelap a'ep tangka, ‘Elmeri torop keldi aisa nenelamlul.’
Apna, ‘Ae lom nhonag nimi aisa nenel dalamukang.’
Nimi etneri na Yesus wana abolag nenero ili to, ilin to wana nusamag nembale tanena, nimi eneko nanap ma'ap tangtopne sunsunum kom. Apna nong nimi nhondi na Yesus wana abolag nenero elme to, elmangkel to wana nusamag nembale tanena, nimi eneko nanap ma'ap tangtopne sunsunum kom. Nimi etneri eldamne sembe senelamleri, ‘Kalag sipto ya'ag omneikagti, siptop kal nene Yesusag nelepto pabalamnun kom,’ aro nanag neleplamnele kom tanena, nanap ma'ap tangtopne sunsunum kom. Nimi etneri, ‘Na mog so'o eneag wali wamnun,’ aro seneragtopne saelbamle tanena, nimi enekoag kamag uro unne ka'eseptalul. Aghana nimi etneri, ‘Na wali wamnepne sae limneri, tebahanea babe Yesusap ma'ap tanunam,’ aro seneragto ulamle tanena, nimi eneko ya'ag kamag uro unne elag talul,” seog.


Nen tipto yubu lelamogti, “Nimi etneri a'un toro pipsile tanena, na babe toro pimneloa saog uro ulamlul. Apna nimi etneri na toro pimnele tanena, na pogneogne poneko toro piploa saog uro ulamlul. Nimi etneri Allah yubu silimu tiptopne kipto, ‘Allahri yubu tiplamla,’ aro toro piple tanena, Allah yubu silimu tiptopneri tomnep kamna neneko toro pimnep nimi enekoag babe talul. Apna nimi etneri wana porog nimi sembe, ‘Wana porogne yepnun,’ aro toro piple tanena, wana porog nimiri tomnep kamna aneko toro pimnep nimi enekoag babe talul. A'un nubu nimi wamlom kom aghana, nimi etneri a'un sembe, ‘Yesusti yubu ka'ero neleptop nimi wamlom ane sembe, a'un yepsisene,’ aro son mag tebatsile nimi babe, Allahri ekon tan koma nimi eneko sembe kamna tatlul. Yubu sikne agha ambatsin,” seog.

Слушайте Matius 10