Bible translation: Lubukusu © Bible Society of Kenya, 2007 Recording of the New Testament ℗ Hosanna, 2019

Lubukusu- 2007 KENBS (NT) Drama

Lubukusu- 2007 KENBS (NT) Non Drama

<div class="version vid2654 iso6393bxk" data-vid="2654" data-iso6393="bxk">
 <div class="book bkJHN">
 <div class="chapter ch13" data-usfm="JHN.13">
 <div class="label">13</div><div class="s">Yesu asiinga babeeka bewe bikele</div><div class="p"> 1Yaba endaalo ndala Naikara eye Pasaka ne khoola tawe. Yesu aamanya ali esaa yewe yaba yolile eye khurura mu sibala sino, mala ache wa Paapa. Buli lwosi aba asiima babewe ba baba mu sibala mala abasiima khukhwola esiakamo. 2Yesu ne babeeka bewe baba asialwa sie lilikoloyia. Sietani aba areere khale kamebaasio ke khuchaama Yesu mu mwoyo kwa Yuda, okhwa Simoni Isikarioti. 3Yesu amanya ali Paapa amuelesia bunyali bwoosi, amanya ali echa khukhwama khu Wele mala alikho acha wa Wele. 4Nio enyokha khusialwa afuula ekaanjo yewe eye khu ngaaki, mala eboa etawulo mu sibuno. 5Achukha kameechi khulukaraya mala arakikha khusiinga babeeka bewe bikele, ne khubieyela etawulo niyo aba naboyile mu sibuno. 6Ola khu Simoni Petero, mala Petero amureeba ali, &#8220;Omwami, wenya khu khusiinga ese bikele?&#8221;</div><div class="p"> 7Yesu amukobosia ali, &#8220;Ewe luno somanyilisia nisio ese ndikho khola tawe, ne kakhali okhamanyilisie enyuma wakano.&#8221; 8Petero aloma ali, &#8220;Se silikhoo siise siosi siosi nisio ewe olisiinga ese bikele tawe.&#8221;</div><div class="p">Yesu amukobosia ali, &#8220;Ne khakhusiinga bikele tawe, solaba omweeka wase lundi tawe.&#8221; 9Simoni Petero amukobosia ali, &#8220;Omwami nono okhasiinga bikele biong'ene tawe! Siinge akhaba kamakhono ne kumurwe kwosi!&#8221;</div><div class="p"> 10Yesu aloma ali, &#8220;Yesi yesi owesiingile ali omumiliiu elala ne se esiinga lundi tawe, ne kakhali esiinga bikele. Enywe mweesi muli bamiliiu ne kakhali mulala khwinywe niye okhali omumiliiu tawe.&#8221; 11(Yesu aba amanya khale owaba ne alikho acha khumuchaama, niko kakakila naloma ali, &#8220;Mweesi muli bamiliiu nakhali mulala khwinywe niye okhali omumiliiu tawe.&#8221;)</div><div class="p"> 12 # 
 Lk. 22.27
 Yesu ne amalile khubasiinga bikele efwara lundi ekaanjo yewe mala akobola niio aba ne ekhaale asialwa. Nio areeba ali, &#8220;Mwamanyile nisio nama khukhola khwinywe? 13Mundanganga ese muli Omwekisia lundi muli Omwami, mala buli bulayi nga mukholanga murio, sikila ndi ndio. 14Ese Omwami wenywe, lundi Omwekisia, nama khumusiinga bikele. Nono, enywe mukhoyela musiingane bikele. 15Nakholile nisio mukhoyeele mulolelekho, nio mukhole busa nga nisio ese kholile khwinywe. 16#Mat. 10.24; Lk. 6.40; Yn. 15.20 Ndikho muboolela bung'ali ndi, nasioobi se ali omukali khukhila omwami wewe tawe, ne omurumwa se ali omukali khukhila owamuruma tawe. 17Luno nga ne mu manyile bung'ali buno, mulasangaala lukali ne mubura mu bikholwa! 18#Chiny. 41.9 Se ndikho ndomaloma kakenywe mweesi tawe, namanya abo nibo narobora. Ne liiandiko liboolanga lili, &#8216;Omundu niye walia naye, niye okhuchaama&#8217; khukhwola lichusibwe. 19Ese muboolela enywe kano ne kakhekholekha tawe, nio ne kekholekha musuubile muli &#8216;Ese Niise.&#8217; 20#Mat. 10.40; Mk. 9.37; Lk. 9.48; 10.16 Ng'ali ese muboolela enywe ndi, Oyo owakaanila omundu yesi yesi niye ese nduma, aba anjakaanila ese; ne yesi yesi ounjakanila ese akaanila oyo owanduma ese.&#8221;</div><div class="s">Yesu ang'oola lichaama liewe</div><div class="r">(Mat. 26.20-25; Mk. 14.17-21; Lk. 22.21-23)</div><div class="p"> 21Enyuma Yesu nalomile kano, anaanisibwa mu mwoyo lukali mala aboola abuwaanga ali, &#8220;Ndikho muboolela bung'ali mulala khwinywe alikho acha khunjaama.&#8221; </div><div class="p"> 22Babeeka balolana ne bauka, khumanya naanu niye alikho alomakho tawe. 23Mulala khu beeka, niye Yesu asiima aba ekhaale siimbi ne Yesu. 24Simoni Petero amua simanyilo sie khukhwekesia sili, &#8220;Mureebe naanu niye alikho alomalomakho.&#8221; 25Nio omweeka oyo eseenda siimbi khu Yesu mala amureeba ali, &#8220;Omwami naanu niye?&#8221; 26Yesu amukobosia ali, &#8220;Niye ndaronga kumukaati mu muunyu mala muelesie aba niye omwenoyo.&#8221; Nio abukula sitonyi sie kumukaati asironga mu muunyu, mala asielesia Yuda okhwa Simoni Isikarioti. 27Abwene ne abwene nga Yuda ne alia kumukaati okwo, Sietani amwingilamo. Yesu amuboolela ali, &#8220;Yuuya khangu nisio wenya khukhola?&#8221; 28Se aliio owaba asialwa owamanyilisia sisiakila Yesu namuboolela ario tawe. 29Ne sikila Yuda aba omubiikhi we eoochwa eye chirupia, babeeka balala bebaasia bali Yesu amubooleele khucha akule nibio benya khulwa mu naikara, namwe aekho bataambi sisiindu.</div><div class="p"> 30Yuda afukiilila kumukaati mala arura enje khangu, siaba siilo.</div><div class="s">Lilaka liya</div><div class="p"> 31Yuda ne amalile khurekukha, Yesu aaloma ali, &#8220;Luno Omwana wo Mundu aelesiiibwe luyali, luno luyali lwa Wele lwabuliikhe khubirira mu niye. 32Ne luyali lwa Wele ne lubuliikhe khubirira mu niye, aba nono Wele alabuula luyali lwo Mwana wo Mundu mu niye omwene, mala alakhola ario khangu. 33#Yn. 7.34 Baana base, se ndaba ne nanywe khu siise sileeyi lukali tawe. Mulambenja, ne luno muboolela enywe niko naboolela Bayaudi be bunyali, &#8216;Se munyala mwacha niio ese ndikho nja tawe.&#8217; 34#Yn. 15.12,17; Yn. 3.23; 2 Yn. 5 Ne luno ndikho muelesia enywe lilaka liya: Khemusiimane mwabeene ne mwabeene. Nga ese ne namusiima enywe, nio enywe khukhwola musiimane mwabeene ne mwabeene. 35Mwaba ne busiime khu mwabeene ne mwabeene, aba buli mundu alamanya ali enywe muli babeeka base.&#8221;</div><div class="s">Yesu ang'oola ali Petero alamwekaana</div><div class="r">(Mat. 26.31-35; Mk. 14.27-31; Lk. 22.31-34)</div><div class="p"> 36Simoni Petero aamureeba ali, &#8220;Omwami, olikho ocha waena?&#8221; Yesu aamukobosia ali, &#8220;Se onyala wanondakho luno niio ndikho nja tawe, ne kakhali ekhumaliilikha okhanondekho.&#8221;</div><div class="p"> 37Petero amureeba ali, &#8220;Omwami, siina sikila ne khakhuloondakho siise sino? Ese nerekeekhe khukhufwila ewe!&#8221;</div><div class="p"> 38Yesu amukobosia ali, &#8220;Ng'ali ewe werekeekhe khukhufwila ese? Ndikho khuboolela bung'ali ndi etaaywa ne khakholiokha tawe, kane oboole khukhwola khataru oli se umanyile tawe.&#8221;</div>
 </div>
 </div>
</div>

Yaba endaalo ndala Naikara eye Pasaka ne khoola tawe. Yesu aamanya ali esaa yewe yaba yolile eye khurura mu sibala sino, mala ache wa Paapa. Buli lwosi aba asiima babewe ba baba mu sibala mala abasiima khukhwola esiakamo. Yesu ne babeeka bewe baba asialwa sie lilikoloyia. Sietani aba areere khale kamebaasio ke khuchaama Yesu mu mwoyo kwa Yuda, okhwa Simoni Isikarioti. Yesu amanya ali Paapa amuelesia bunyali bwoosi, amanya ali echa khukhwama khu Wele mala alikho acha wa Wele. Nio enyokha khusialwa afuula ekaanjo yewe eye khu ngaaki, mala eboa etawulo mu sibuno. Achukha kameechi khulukaraya mala arakikha khusiinga babeeka bewe bikele, ne khubieyela etawulo niyo aba naboyile mu sibuno. Ola khu Simoni Petero, mala Petero amureeba ali, “Omwami, wenya khu khusiinga ese bikele?”
Yesu amukobosia ali, “Ewe luno somanyilisia nisio ese ndikho khola tawe, ne kakhali okhamanyilisie enyuma wakano.” Petero aloma ali, “Se silikhoo siise siosi siosi nisio ewe olisiinga ese bikele tawe.”
Yesu amukobosia ali, “Ne khakhusiinga bikele tawe, solaba omweeka wase lundi tawe.” Simoni Petero amukobosia ali, “Omwami nono okhasiinga bikele biong'ene tawe! Siinge akhaba kamakhono ne kumurwe kwosi!”
Yesu aloma ali, “Yesi yesi owesiingile ali omumiliiu elala ne se esiinga lundi tawe, ne kakhali esiinga bikele. Enywe mweesi muli bamiliiu ne kakhali mulala khwinywe niye okhali omumiliiu tawe.” (Yesu aba amanya khale owaba ne alikho acha khumuchaama, niko kakakila naloma ali, “Mweesi muli bamiliiu nakhali mulala khwinywe niye okhali omumiliiu tawe.”)
Yesu ne amalile khubasiinga bikele efwara lundi ekaanjo yewe mala akobola niio aba ne ekhaale asialwa. Nio areeba ali, “Mwamanyile nisio nama khukhola khwinywe? Mundanganga ese muli Omwekisia lundi muli Omwami, mala buli bulayi nga mukholanga murio, sikila ndi ndio. Ese Omwami wenywe, lundi Omwekisia, nama khumusiinga bikele. Nono, enywe mukhoyela musiingane bikele. Nakholile nisio mukhoyeele mulolelekho, nio mukhole busa nga nisio ese kholile khwinywe. Ndikho muboolela bung'ali ndi, nasioobi se ali omukali khukhila omwami wewe tawe, ne omurumwa se ali omukali khukhila owamuruma tawe. Luno nga ne mu manyile bung'ali buno, mulasangaala lukali ne mubura mu bikholwa! Se ndikho ndomaloma kakenywe mweesi tawe, namanya abo nibo narobora. Ne liiandiko liboolanga lili, ‘Omundu niye walia naye, niye okhuchaama’ khukhwola lichusibwe. Ese muboolela enywe kano ne kakhekholekha tawe, nio ne kekholekha musuubile muli ‘Ese Niise.’ Ng'ali ese muboolela enywe ndi, Oyo owakaanila omundu yesi yesi niye ese nduma, aba anjakaanila ese; ne yesi yesi ounjakanila ese akaanila oyo owanduma ese.”


Enyuma Yesu nalomile kano, anaanisibwa mu mwoyo lukali mala aboola abuwaanga ali, “Ndikho muboolela bung'ali mulala khwinywe alikho acha khunjaama.”
Babeeka balolana ne bauka, khumanya naanu niye alikho alomakho tawe. Mulala khu beeka, niye Yesu asiima aba ekhaale siimbi ne Yesu. Simoni Petero amua simanyilo sie khukhwekesia sili, “Mureebe naanu niye alikho alomalomakho.” Nio omweeka oyo eseenda siimbi khu Yesu mala amureeba ali, “Omwami naanu niye?” Yesu amukobosia ali, “Niye ndaronga kumukaati mu muunyu mala muelesie aba niye omwenoyo.” Nio abukula sitonyi sie kumukaati asironga mu muunyu, mala asielesia Yuda okhwa Simoni Isikarioti. Abwene ne abwene nga Yuda ne alia kumukaati okwo, Sietani amwingilamo. Yesu amuboolela ali, “Yuuya khangu nisio wenya khukhola?” Se aliio owaba asialwa owamanyilisia sisiakila Yesu namuboolela ario tawe. Ne sikila Yuda aba omubiikhi we eoochwa eye chirupia, babeeka balala bebaasia bali Yesu amubooleele khucha akule nibio benya khulwa mu naikara, namwe aekho bataambi sisiindu.
Yuda afukiilila kumukaati mala arura enje khangu, siaba siilo.

Yuda ne amalile khurekukha, Yesu aaloma ali, “Luno Omwana wo Mundu aelesiiibwe luyali, luno luyali lwa Wele lwabuliikhe khubirira mu niye. Ne luyali lwa Wele ne lubuliikhe khubirira mu niye, aba nono Wele alabuula luyali lwo Mwana wo Mundu mu niye omwene, mala alakhola ario khangu. Baana base, se ndaba ne nanywe khu siise sileeyi lukali tawe. Mulambenja, ne luno muboolela enywe niko naboolela Bayaudi be bunyali, ‘Se munyala mwacha niio ese ndikho nja tawe.’ Ne luno ndikho muelesia enywe lilaka liya: Khemusiimane mwabeene ne mwabeene. Nga ese ne namusiima enywe, nio enywe khukhwola musiimane mwabeene ne mwabeene. Mwaba ne busiime khu mwabeene ne mwabeene, aba buli mundu alamanya ali enywe muli babeeka base.”


Simoni Petero aamureeba ali, “Omwami, olikho ocha waena?” Yesu aamukobosia ali, “Se onyala wanondakho luno niio ndikho nja tawe, ne kakhali ekhumaliilikha okhanondekho.”
Petero amureeba ali, “Omwami, siina sikila ne khakhuloondakho siise sino? Ese nerekeekhe khukhufwila ewe!”
Yesu amukobosia ali, “Ng'ali ewe werekeekhe khukhufwila ese? Ndikho khuboolela bung'ali ndi etaaywa ne khakholiokha tawe, kane oboole khukhwola khataru oli se umanyile tawe.”

Слушайте Yn. 13