ПСАЛТЫР 95:1-7

Падзяліцца

ПСАЛТЫР 95:1-7 Біблія (пераклад В. Сёмухі) (ББЛ)

Пахвальная песьня Давідава. На будову дома. Засьпявайце Госпаду песьню новую; засьпявайце Госпаду, уся зямля; сьпявайце Госпаду, дабраслаўляйце імя Ягонае, зьвястуйце дзень у дзень выратаваньне Ягонае; абвяшчайце ў народах славу Ягоную, ва ўсіх плямёнах дзівосы Ягоныя; бо вялікі Гасподзь і праслаўлены, грозны Ён над багамі ўсімі. Бо ўсе багі народаў - ідалы, а Гасподзь нябёсы стварыў. Слава і веліч прад абліччам Ягоным, сіла і вялікае хараство ў сьвятыні Ягонай. Дайце Госпаду, плямёны народаў, дайце Госпаду славу і гонар

ПСАЛТЫР 95:1-7 Біблія (пераклад А.Бокуна) (БББ)

Хадземце, будзем радавацца ў ГОСПАДЗЕ, усклікаць Скале збаўленьня нашага! Станьма перад абліччам Ягоным з падзякаю, гімны ўсклікайма Яму! Бо ГОСПАД ёсьць Бог вялікі і Валадар вялікі над усімі багамі. У руцэ Ягонай глыбіні зямлі, і Ягоныя вяршыні найвышэйшыя гор. Ягонае мора, бо Ён яго ўчыніў, і сухазем’е рукі Ягоныя ўкшталтавалі. Прыйдзіце, паклонімся і ўпадзем, укленчым перад абліччам ГОСПАДА, Творцы нашага! Бо Ён — Бог наш, а мы — народ чарады Ягонай і авечкі рукі Ягонай. Сёньня, калі пачуеце голас Ягоны