ПСАЛТЫР 63:6-11
ПСАЛТЫР 63:6-11 Біблія (пераклад В. Сёмухі) (ББЛ)
Яны ўмацавалі сябе ў намеры ў ліхім; змовіліся таемна сеткі паставіць; казалі: хто іх убачыць? Яны крыўды шукаюць, віжуюць і сочаць і падкопваюцца да нутра чалавечага і да глыбіняў сэрца. Але Бог паб'е іх стралою: зьнянацку будуць яны пацэлены. Языком сваім яны заб'юць самі сябе; усе, хто іх бачыць, адыдуць ад іх. І збаяцца ўсе людзі, і абвесьцяць дзею Божую, і зразумеюць, што гэта дзея Яго. А праведны ўзьвесяліцца ў Богу і на Яго спадзявацца будзе; і пахвалены будуць усе справядлівыя сэрцам!
ПСАЛТЫР 63:6-11 Біблія (пераклад А.Бокуна) (БББ)
Быццам тлушчам і тлустасьцю насычаецца душа мая, і сьпевам хвалы будуць хваліць Цябе вусны мае, калі я на ложку маім пра Цябе ўспамінаю, калі ў часе варты [начной] пра Цябе разважаю. Бо Ты быў успамогай мне, і ў ценю крылаў Тваіх буду весяліцца. Прыляпілася да Цябе душа мая, падтрымлівае мяне правіца Твая. А тыя, што шукаюць загубы душы маёй, пойдуць у глыбіні зямлі, будуць аддадзены яны ў рукі мяча, стануцца здабычай шакалаў.