МАЦЬВЕЯ 15:15-20
МАЦЬВЕЯ 15:15-20 Біблія (пераклад В. Сёмухі) (ББЛ)
А Пётр сказаў Яму ў адказ: растлумач нам прытчу гэтую. Ісус сказаў: няўжо і вы яшчэ ня маеце разуменьня? ці яшчэ не разумееце, што ўсё, што ўваходзіць у вусны, праходзіць у чэрава і праз кішку выходзіць? а што выходзіць з вуснаў - з сэрца выходзіць; і гэта апаганьвае чалавека; бо з сэрца выходзяць ліхія намыслы, забойствы, пералюбы, распуста, крадзяжы, ілжывыя сьведчаньні, зьнявагі: гэта апаганьвае чалавека; а есьці няўмытымі рукамі - не апаганьвае чалавека.
МАЦЬВЕЯ 15:15-20 Біблія (пераклад А.Бокуна) (БББ)
Пётар жа, адказваючы, сказаў Яму: «Растлумач нам прыповесьць гэтую». А Ісус сказаў: «Няўжо і вы такія няцямкія? Ці ж яшчэ не разумееце, што ўсё, што ўваходзіць у вусны, трапляе ў жывот і выкідаецца прэч? А тое, што выходзіць з вуснаў, — з сэрца выходзіць; гэта апаганьвае чалавека. Бо з сэрца выходзяць злыя думкі, забойствы, распуснасьць, чужалоства, крадзяжы, фальшывыя сьведчаньні, блюзьнерствы. Гэта апаганьвае чалавека, а есьці нямытымі рукамі не апаганьвае чалавека».