ЛУКАША 10:38-42
ЛУКАША 10:38-42 Біблія (пераклад В. Сёмухі) (ББЛ)
У часе дарогі іхняй, прыйшоў Ён у адно селішча; тут жанчына, імем Марфа, прыняла Яго ў дом свой; у яе была сястра, імем Марыя, якая села да ног Ісуса і слухала слова Ягонае. А Марфа клапатала пра вялікае частаваньне, і падышоўшы, сказала: Госпадзе! ці Табе клопату няма, што сястра мая адну мяне пакінула служыць? скажы ёй, каб пасобіла мне. А Ісус сказаў ёй у адказ: Марфа! Марфа! рупішся і завіхаешся ты занадта, а адно толькі трэба, Марыя ж выбрала добрую долю, якая не адымецца ў яе.
ЛУКАША 10:38-42 Біблія (пераклад А.Бокуна) (БББ)
І сталася, як яны ішлі, прыйшоў Ён у нейкае мястэчка; а адна жанчына, на імя Марта, прыняла Яго ў дом свой. І ў яе была сястра, якую звалі Марыя, якая, сеўшы ля ног Ісуса, слухала слова Ягонае. А Марта завіхалася ва ўсякай паслузе і, стаўшы, сказала: «Госпадзе! Ці ж Цябе не клапоціць, што сястра мая пакінула мяне адну паслугаваць? Скажы ёй, каб дапамагла мне». Адказваючы, Ісус сказаў ёй: «Марта, Марта! Ты клапоцішся і турбуешся пра многае, а адно толькі патрэбна. Марыя ж выбрала добрую частку, якая ня будзе забраная ў яе».