ДЗЕІ 8:1-4
ДЗЕІ 8:1-4 Біблія (пераклад В. Сёмухі) (ББЛ)
А Саўл ухваляў забойства яго. У тыя дні паўстала вялікае ганеньне на царкву ў Ерусаліме, і ўсе, апрача апосталаў, расьсеяліся па розных месцах Юдэйскіх і Самарыйскіх. А Сьцяпана пахавалі мужы богабаязныя і ўчынілі вялікі плач па ім. А Саўл глуміў царкву і, заходзячы ў дамы і, выцягваючы мужчын і жанчын, аддаваў у цямніцу. А тым часам тыя, што расьсеяліся, хадзілі і зьвеставалі слова.
ДЗЕІ 8:1-4 Біблія (пераклад А.Бокуна) (БББ)
А Саўл згаджаўся на забойства яго. Сталася ж у той дзень вялікае перасьледваньне царквы ў Ерусаліме. І ўсе, акрамя апосталаў, былі расьцярушаныя па ваколіцах Юдэі і Самарыі. А Стэфана пахавалі мужы пабожныя і ўчынілі па ім галашэньне вялікае. Саўл жа нішчыў царкву, уваходзячы ў дамы, і, цягнучы мужчынаў і жанчынаў, аддаваў [іх] у вязьніцу. А тыя, што расьцярушыліся, хадзілі, дабравесьцячы слова.