1 ЦІМАФЕЯ 4:1-5
1 ЦІМАФЕЯ 4:1-5 Біблія (пераклад В. Сёмухі) (ББЛ)
Дух жа ясна кажа, што апошнім часам адступяцца некаторыя ад веры, слухаючы духаў спакусьнікаў і вучэньняў дэманскіх, праз крывадушнасьць ашуканцаў, што спалілі сумленьне сваё, якія забараняюць браць шлюб і есьці тое, што Бог стварыў, каб веруючыя і тыя, што ўведалі ісьціну, елі з падзякаю. Бо кожнае стварэньне Божае - добрасьць, і нішто ня можа асуджацца, калі прымаецца з падзякаваньнем, бо асьвячаецца словам Божым і малітваю.
1 ЦІМАФЕЯ 4:1-5 Біблія (пераклад А.Бокуна) (БББ)
А Дух выразна кажа, што ў апошнія часы некаторыя адыйдуць ад веры, зважаючы на духаў падманлівых і вучэньні дэманавы, праз крывадушнасьць тых, якія кажуць фальшыва і выпалілі сумленьне сваё, якія забараняюць жаніцца, [кажуць] высьцерагацца ежы, якую Бог стварыў дзеля спажываньня з падзякай вернымі і тымі, што пазналі праўду. Бо ўсякае стварэньне Божае добрае, і нішто ня мае быць адкінутым, што прыймаецца з падзякаю, бо асьвячаецца праз слова Божае і малітву.