1 ЛЕТАПІСАЎ 16:23-31
1 ЛЕТАПІСАЎ 16:23-31 Біблія (пераклад В. Сёмухі) (ББЛ)
Сьпявайце Госпаду, уся зямля, дабравяшчайце дзень у дзень выратаваньне Яго. Абвяшчайце язычнікам славу Яго, усім народам цуды Ягоныя, бо вялікі Гасподзь і варты хвалы, страшны больш за ўсіх багоў. Бо ўсе багі народаў нішто, а Гасподзь нябёсы стварыў. Слава і веліч перад абліччам Ягоным, магутнасьць і радасьць на месцы Ягоным. Узьнясеце Госпаду, плямёны народаў, узьнясеце Госпаду славу і гонар, узьнясеце Госпаду славу імю Ягонаму. Вазьмеце дар, ідзеце прад аблічча Яго, пакланецеся Госпаду і хараству сьвятыні Яго. Трымці перад ім, уся зямля, бо Ён запачаткаваў сусьвет, ён не пахісьнецца. Хай весяляцца нябёсы, хай радуецца зямля, і хай скажуць у народах: Гасподзь валадарыць!
1 ЛЕТАПІСАЎ 16:23-31 Біблія (пераклад А.Бокуна) (БББ)
Сьпявайце ГОСПАДУ, уся зямля, дабравесьціце з дня на дзень збаўленьне Ягонае. Абвяшчайце між народамі славу Ягоную, між усімі людзьмі — цуды Ягоныя. Бо вялікі ГОСПАД і годны хвалы, годны страху больш за ўсіх багоў. Бо ўсе богі народаў — ідалы, а ГОСПАД нябёсы ўчыніў. Слава і велічнасьць перад абліччам Ягоным, моц і краса — на месцы Ягоным. Аддайце ГОСПАДУ, плямёны народаў, аддайце ГОСПАДУ славу і моц. Аддайце ГОСПАДУ славу імя Ягонага. Прынясіце дары і ідзіце перад аблічча Ягонае. Пакланіцеся ГОСПАДУ ў велічы сьвятыні. Дрыжы перад абліччам Ягоным, уся зямля. Ён сусьвет умацаваў, не пахісьнецца. Няхай узрадуюцца нябёсы, няхай узьвесяліцца зямля, і няхай скажуць між народамі: “ГОСПАД валадарыць!”
