SALMOS 16
16
1Bwia neda', Dios, dan' žx̱en ḻaža'a Le'.
2Ḻo yichj ḻáẕda'wa' žapa' Le', X̱ana' Dios:
“Le' nako' X̱ana'.
Bi be da' chawe' žata' chia' da' bi zan' ḻo no'o.”
3Žaz ḻáže'za' benne' ka' zej nake' che Dios ḻo yežlyó nga,
na' ḻezka' benne' ka' zej nake' ḻi ḻaže'.
4Zan da' sáka'gak benne' ka' ẕka'n ẕéngake' lo'a ka'.
Bi gona' ḻégake' tẕen kate' ẕḻáljgake' žen ḻáwgaken, na' bi wkonla' žin lágaken.
5X̱anžo Dios ẕwawe' neda' na' nake' da' chawe' chia'.
Le', Dios, žape chi'o yeḻa' nban chia'.
6Da' žonno' chia' naken da' ba nez ẕen da' ẕzi'a,
na' x̱tanḻe'e nak latje gan bzo' neda'.
7Wká'n ẕénteza' X̱anžo Dios, Bennen' žsedle' neda'.
Kate' ne ẕtasa' ẕzejni'ile' neda' ḻo yichj ḻáẕda'wa'.
8Žx̱en ḻaža'a X̱anžo Dios yezi'e neda'.
Dan' zoe' kwita', bi be gak wcheben neda'.
9Che ḻen zoa ḻáẕda'wa' yeḻa' žebél, na' žebéḻe'etezla',
na' kate' gacha'a ḻo yežw ba wx̱én ḻaža'a Le'
10dan' bi wka'no' be' da' nakkza' ḻo latje choḻ chegak benne' gat ka',
na' bi go'o latje nitla' dan' nakkza' chio' Le'.
11Wḻoe'elo' neda' da' žaḻa' gona' nich gata' chia' yeḻa' nban.
Gan zo' Le' yebéḻe'etezla',
na' kwito' Le' sóateze yeḻa' ba nez ẕen chia'.
Цяпер абрана:
SALMOS 16: zty
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2002, Wycliffe Bible Translators, Inc. All rights reserved.