Marcos 2
2
Ginpamayad ni Jesus ro Sangka Paralitiko
(Mat 9:1-8; Luc 5:17-26)
1Mga pilang adlaw pa ro nagtaliwan, nagbalik si Jesus sa Capernaum ag nakabati ro mga tawo nga nakauli eon imaw. 2Ngani abo nga tawo ro nagtueumpok sa baeay nga anang ginadayunan, ag owa eon it makaagi sa pwertahan. Tag nagawali si Jesus kanda it Mayad nga Balita, 3may mga tawo nga nagdaea it sangka paralitiko nga ginaeayungan it ap-at nga ka tawo. 4Pero owa sanda makapaeapit kay Jesus ay kaabo ro tawo. Ngani nagsaka sanda sa bubungan it baeay ag anda nga ginbuhuan ro bubungan#2:4 Sa andang lugar, ro bubungan it baeay hay matapan ag puydi nga tikangan, nga human sa pinatig-a nga eapok nga may halo nga matsa dagami. sa tungod mismo ni Jesus. Kat nakabuho eon sanda, anda dayon nga gintuntun ro paralitiko nga gaeubog sa anang eugban. 5Pagkakita ni Jesus nga nagatuo sanda kana nga mapamayad nana ro paralitiko, ginhambae nana ra, “Toto, ginpatawad eon ro imong mga saea.”
6May idto nga mga maestro it Kasuguan nga nagalingkod sa sueod it baeay nga nagapaino-ino, 7“Ham-an it makaraya imaw ra maghambae? Ginainsulto't-a nana ro Dyos, ay sin-o eang ro makapatawad it mga saea kundi ro Dyos gid lang?”
8Nasayran eagi ni Jesus kon ano ro andang ginapaino-ino ngani naghambae imaw kanda, “Ham-an it makaruyon 't-a ro inyong ginaisip? 9Ano ro mas maeumo nga ihambae sa paralitiko ngara? ‘Ginpatawad eon ro imong mga saea’ ukon ‘Bangon, hakwata ring eugban ag magtikang’?#2:9 Mas maeumo eang nga ihambae sa paralitiko nga ginpatawad eon ro anang mga saea ay owa it makasayod kon ginpatawad eon matuod o owa. Pero mas malisod ihambae sa paralitiko nga bangon ay kon indi imaw makabangon hay makasayod ro mga tawo nga owa it gahom ro gahambae karon. 10Pero pamatud-an ko kinyo nga ako nga *Unga it Tawo hay may otoridad nga magpatawad it mga saea iya sa kalibutan.” Ginhambae na dayon ro paralitiko, 11“Bangon! Hakwata ro imong eugban ag umuli!” 12Bumangon eagi ra sa atubang it mga tawo, hinakwat ro ana nga eugban ag gumuwa sa baeay. Hangawa gid it duro ro tanan ag gindayaw nanda ro Dyos. “Imaw pa eang kami nakakita it makaraya,” hambae nanda.
Gintawag ni Jesus Si Levi Agod Mangin Sumueunod Nana
(Mat 9:9-13; Luc 5:27-32)
13Nagbalik eon man si Jesus sa baybayon ku Dagat it Galilea ag kaabo-abo nga mga tawo ro nag-inadto idto kana ngani sige ro anang tinuro. 14Pagkatapos, tag nagatikang imaw hay hakita nana ro unga ni Alfeus nga si Levi#2:14 Ginatawag man ra imaw nga si Mateo (basaha sa Mat 9:9). nga *manogsukot it buhis. Idto imaw nagapungko sa opisina nga ginabayaran it buhis. Gintawag imaw ni Jesus, “Mali eon ay obrahon ko ikaw nga akon nga sumueunod.” Nagtindog dayon si Levi ag nagsunod kana agod mangin ana nga sumueunod.
15Ku ulihi, nagkaon si Jesus sa baeay ni Levi. Abo nga *manogsukot it buhis ag iba pa nga mga ginakabig nga makasasaea nga nagkaon kaibahan nanday Jesus ag ku anang mga sumueunod. Kato abi hay abo eon nga nagasunod-sunod kay Jesus nga mga makaratong klasing tawo. 16Pagkatapos kara hay ginbuslahan ku mga maestro it Kasuguan nga mga *Pariseo ro mga sumueunod ni Jesus ay naugot-ugot sanda. Hambae nanda, “Ham-an it nagasaeo imaw sa mga *manogsukot it buhis, ag sa iba pa nga mga makasasaea?” 17Habatian rato ni Jesus ag ginsabat nana sanda, “Ro mga mayad ro andang eawas hay owa gakinahangean it doktor kundi ro mga masakiton eang. Owa ako nag-adto riya agod pahinuesueon ro mga nagaeaom nga matarong eon sanda kundi rondato nga haom mag-ako nga sanda hay mga makasasaea.”
Indi Puydi nga Ibahon ro Daan nga Ginaturo ku mga Pariseo ag ro ay Jesus nga Bag-ong Ginaturo
(Mat 9:14-17; Luc 5:33-39)
18Kaisaea kato, ro mga Pariseo ag ro mga sumueunod ni Juan nga Manogbawtismo hay nagpuasa. May mga tawo nga nag-adto kay Jesus ag nagpangutana, “Nagapuasa ro ay Juan nga mga sumueunod, ag imaw man ro mga sumueunod it mga Pariseo, pero ham-an it owa gapuasa ro imo nga mga sumueunod?” 19Ginsabat sanda ni Jesus, “Aeang-aeang ma't-a nga magpuasa sa ponsyon ro mga amigo it nobyo. Indi ra sanda magpuasa kon kaibahan pa nanda ro nobyo. 20Pero maabot ro oras nga bue-on kanda ro nobyo ag rikaron eon dayon sanda gapuasa dahil sa andang kasubo. 21Owa it gaeupon it bag-o nga tela nga owa pa nakakueo sa gisi it daan nga eambong, ay kon magkueo ro eupon ngato hay mas gabahoe pa ro gisi it daan ngato nga eambong. 22Ag owa man it gabutang it bag-o nga bino sa daan nga panit nga sueudlan it bino, ay kon magisi ra hay parehong kanugon ro bino ag ro sueudlan. Dapat nga bag-o man ro panit nga sueudlan kon bag-o ro bino.”#2:22 Kon bag-o pa ro bino hay nagasupok ra. Ro daan nga panit nga sueudlan it bino hay indi eon kaunat ag kon sige ro pagsupok it bino, mabusdik gid ro sueudlan. Pero ro bag-o't-a nga sueudlan hay gaunat ag indi mabusdik. Ro buot hambaeon kara ni Jesus hay kinahangean ro bukas nga paino-ino agod maeubtan ro anang mga bag-o nga ginaturo.
Eabaw Pa si Jesus sa Adlaw it Inogpahuway
(Mat 12:1-8; Luc 6:1-5)
23Isaeang ka *Adlaw it Inogpahuway, tag nagaagi sanday Jesus sa sangka taeamnan it trigo,#2:23 Ro trigo hay tanom nga haeos pareho it paeay ro dahon ag bunga. ro anang mga sumueunod hay nagpangutoe it uhay. 24May idto nga mga Pariseo nga nakakita ku andang gin-obra ag ginhambaean nanda si Jesus, “Tan-awa tuo ring mga sumueunod. Ham-an it nagaobra sanda it bawae sa Adlaw it Inogpahuway?” 25Nagsabat si Jesus, “Owa maton kamo kabasa kon nag-alin anay si Haring David ag ro anang mga kaibahan kat owa sanda it makaon. 26Nag-adto sanda sa Baeay it Dyos#2:26 Ro Baeay it Dyos hay torda nga gin-obra nga simbahan anay ku mga Judio. tag si Abiatar kato ro pinakapinuno nga saserdote, ag nangayo it tinapay nga haead sa Dyos. Suno sa Kasuguan, ro mga saserdote eang ro makakaon ku tinapay ngato. Pero ginkaon rato ni Haring David ag ana man nga ginpakaon kato ro anang mga kaibahan.”#2:26 Lev 24:9 ag 1 Sam 21:1-6. Bisan gin-obra rato nanday David hay owa sanda nagkasaea sa panueok it Dyos. 27Ag naghambae pa gid si Jesus, “Ro tuyo it Adlaw it Inogpahuway hay para sa kamaeayran it tawo, bukon it agod pakalisdon ro tawo sa mga sueundanan ku Adlaw it Inogpahuway. 28Ngani ako nga Unga it Tawo ro may otoridad nga maghambae kon ano ro puydi ag indi puydi nga obrahon kon Adlaw it Inogpahuway.”
Цяпер абрана:
Marcos 2: akl
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
2024 (Active) Wycliffe Bible Translators, Inc.