Mateo 23
23
Ginpaandaman ni Jesus ro mga Tawo Parti sa Pagkaipokrito ku mga Maestro it Kasuguan ag ku mga Pariseo
(Mar 12:38-40; Luc 11:37-54, 20:45-47)
1Pagkatapos kato hay naghambae si Jesus sa kaabo nga mga tawo ag sa anang mga sumueunod, 2“Ro mga maestro it Kasuguan ag ro mga Pariseo ro ginakilaea nga manogturo ku Kasuguan nga ginsueat ni Moises. 3Ngani sunda ninyo ro tanan nandang ginaturo.#23:3 Mayad nga sundon ro andang ginaturo kon ruyon hay suno sa Sagrado nga Kasueatan, pero bukon ron it mayad nga sundon kon ruyon hay mga kaugalian nga gindugang eang ku andang mga kalolo-lolohan ag bukon it halin sa Dyos. Basaha sa Mar 7:9-12. Pero ayaw ninyo pagtueara ro andang ginaobra tungod sanda mismo hay owa nagasunod sa andang mga ginaturo. 4Ginapapas-an nanda ro mga tawo it sobrang kabug-at ag kalisod tumanon nga mga kasuguan, pero owa gid sanda naila magbulig bisan sangkurot. 5Ro tanan nandang ginaobra hay pakita-kita eang sa tawo agod dayawon sanda. Ro kahon-kahon nga andang ginabutang sa andang dahi ag butkon hay anda gid nga ginapaeagko.#23:5 Ratong mga kahon-kahon hay bueutangan it mga bersikulo halin sa Sagrado nga Kasueatan (basaha sa Exo 13:9-16, Deut 6:8 ag 11:18). Ginabahoean nanda ro andang kahon-kahon kaysa sa ana ku iba agod isipon it tawo nga mabahoe gid ro andang pagpahaega sa Sagrado nga Kasueatan. Ro palawit ku andang mga kunop hay#23:5 Tanan nga mga eaki nga Judio hay ginapagamit gid it kwadrado nga kunop kaibahan ku andang ordinaryo nga eambong. Sa kada punta ku kunop hay may una nga palawit nga nagapadumdum kanda ku mga kasuguan it Dyos (Num 15:38 ag Deut 22:12). anda gid nga ginapahabaan kaysa sa ana ku iba.#23:5 Ginaobra nanda ron agod isipon it mga tawo nga mas dyosnanon sanda kaysa sa iba. 6Kon sa mga handaan ag mga sinagoga hay naila gid-a sanda permi nga magpungko sa mga pungkuan para sa mga dungganon nga mga tawo. 7Kon sa kadagayaan hay naila man sanda nga pagsinaluduhan it mga tawo ag gusto man nanda nga tawgon nga ‘maestro.’
8“Pero kamo't-a hay indi puydi nga tawgon nga ‘maestro’ ay ako gid lang ro inyong maestro ag bilang magmaeanghod sa pagtuo hay owa it bisan sin-o kinyo nga eabaw pa sa iba.#23:8 Owa ra nagapatungod sa mga maestra o maestro sa eskuylahan kundi ro kahueugan kara hay si Jesus eang ro ginahalinan it atong masayran parti sa Dyos. 9Ag ayaw man ninyo pagtawga it ‘ama’#23:9 Bukon it tapoe kara ro atong tatay nga atong ginikanan. ro bisan sin-o iya sa kalibutan ay sambilog gid lang ro inyong Ama nga sa eangit. 10Ag ayaw man kamo magpatawag-tawag nga ‘maestro’ tungod sambilog eang ro inyong maestro ag ruyon hay ro Maneueuwas nga ginpromisa it Dyos. 11Ro pinakadungganon kinyo tanan hay dapat nga mangin inyong manogserbi. 12Ro tanan nga matinaas-taason hay pagasumpuon it Dyos ag ro mga mapainubuson hay pagapadunggan it Dyos.”
13Naghambae pa gid si Jesus, “Mga ipokrito kamo nga mga maestro it Kasuguan ag mga Pariseo. Makaeueuoy kamo ay makangingidlis gid ro matabo kinyo sa ulihi, tungod paagi sa inyong saea nga mga ginaturo hay inyo nga ginapugngan ratong gusto nga matapoe sa mga sinakpan it Dyos. Kamo mismo hay nagabalibad nga mangin anang mga sinakpan, tapos hay ginapugngan pa ninyo ro naila.
14[“Mga ipokrito kamo nga mga maestro it Kasuguan ag mga Pariseo. Makaeueuoy kamo ay makangingidlis gid ro matabo kinyo sa ulihi dahil inyong ginahuthot ro mga pagkabutang ku mga baeo nga bayi hasta maubos ag mangin mga pobre sanda. Ginapakita-kita man ninyo ro inyong pagpangamuyo it maeawig. Mas grabi ro inyong pina nga batunon halin sa Dyos dahil sa inyo ngarang mga buhat.]#23:14 Owa gintapoe sa abo nga mga kopya it Sagrado nga Kasueatan sa Griniyego ro bersikulo 14. Pueupareho ro bersikulo ngara sa Mar 12:40 ag Luc 20:47.
15“Mga ipokrito kamo nga mga maestro it Kasuguan ag mga Pariseo. Makaeueuoy kamo ay makangingidlis gid ro matabo kinyo sa ulihi, dahil gatabok pa kamo it kadagatan ag nagalibot sa kon siin-siin agod eang may inyo nga hidaea sa inyong relihiyon ag mangin parehas man kinyo nga strikto sa pagsunod sa inyong relihiyon. Ag kon hidaea eon ngani ninyo hay ginahimo ninyo nga sobra pa kinyo kastrikto magsunod sa inyong relihiyon ngani mas bagay imaw nga pinahan it mas pa kinyo idto sa impyerno.
16“Makaeueuoy kamo ay makangingidlis gid ro matabo kinyo nga nagagiya sa iba pero mga bulag man mismo kamo! Ginaturo ninyo nga kon may magpanaad ag maghambae nga saksi ko mana ro Templo hay bukon it saea bisan indi nana pagtumanon ro anang panaad. Pero sininyo, kon may magpanaad ag ro anang saksi hay ro bueawan sa Templo hay dapat gid nanang tumanon ro anang panaad. 17Mga bulag gid matuod kamo ag mga samad pa it ueo! Ano ro mas mahaega, ro bueawan o ro Templo nga nagahimo sa mga bueawan idto nga mangin sagrado? 18Ginaturo man ninyo nga kon may magpanaad ag ro anang saksi hay ro altar, bukon it saea kon indi nana ron pagtumanon. Pero sininyo, kon may magpanaad ag ro haead nga una sa altar ro anang saksi hay dapat gid nana ron nga tumanon. 19Mga bulag gid-a matuod kamo! Ano ro mas mahaega, ro haead o ro altar nga nagapasagrado sa haead? 20Ro altar syempre. Ngani kon may magpanaad ag ro anang saksi hay ro altar, ro tanan nga una sa altar hay kaibahan eon karon. 21Ag kon may magpanaad ag ro anang saksi hay ro Templo, pati man ro Dyos hay ana nga ginahimo nga saksi dahil ro Templo hay ginakilaea nga ruyon hay anang baeay. 22Ag kon may magpanaad ag ro anang saksi hay ro eangit, ana man nga ginahimo nga saksi ro Dyos dahil idto sa eangit ro ana nga trono.
23“Mga ipokrito kamo nga mga maestro it Kasuguan ag mga Pariseo. Makaeueuoy kamo ay makangingidlis gid ro matabo kinyo sa ulihi. Nagatao gid kamo sa Dyos it ikanapueong parti bisan ku inyong tanom nga mga panakot#23:23 Lev 27:30 ag Deut 14:22. pero owa gid ninyo ginatumana ro mas importanti nga mga sugo sa Kasuguan it Dyos, nga dapat maghimo kamo it matarong sa inyong isigkatawo, maeueuy-on kamo ag masaligan. Dapat hay ginaobra ninyo ron ag padayon man gihapon kamo nga nagatao sa Dyos ku inyong mga ikanapueo.
24“Mga bulag kamo nga nagagiya sa iba! Pareho kamo it nagasaea it kaisot-isot nga bahaw-bahaw sa anang ilimnon pero owa imaw kapan-o nga nagatueon gali imaw it mabahoe nga sapat nga kamelyo.
25“Mga ipokrito kamo nga mga maestro it Kasuguan ag mga Pariseo. Makaeueuoy kamo ay makangingidlis gid ro matabo kinyo sa ulihi. Pareho kamo it tawo nga gahugas it baso ag pinggan nga ro liwan eang ag ro likod ro ginahugasan. Makaruyon kamo ay ro inyo eang nga eawas ro inyong ginalimpyuhan, pero ro una eang sa inyong kabubut-on hay puro kahangoe ag pagpang-agaw ku ana it iba sa pakusog. 26Mga bulag kamo nga mga Pariseo! Limpyuhi anay ro sueod it baso ag mangin malimpyo man dayon karon ro anang guwa.
27“Mga ipokrito kamo nga mga maestro it Kasuguan ag mga Pariseo. Makaeueuoy kamo ay makangingidlis gid ro matabo kinyo sa ulihi. Pareho kamo it mga eueubngan nga ginpintahan it puti. Sadyaan gid tan-awon sa guwa pero ro sueod gali hay puro man lang tue-an ag nagakaeunot nga unod. 28Makaruyon gid 't-a kamo ay kon tan-awon it mga tawo hay mga matarong kamo, pero ro minatuod hay puro kaipokrituhan ro una sa inyong kabubut-on ag permi ninyong ginabaliwala ro Kasuguan it Dyos.”
29“Mga ipokrito kamo nga mga maestro it Kasuguan ag mga Pariseo. Makaeueuoy kamo ay makangingidlis gid ro matabo kinyo sa ulihi, dahil inyo nga ginapaobrahan it mga sadyaan gid nga eueubngan ro mga propeta anay kato ag ginapanami gid ninyo ro mga eueubngan ku mga bantog ag matarong nga mga tawo anay kato. 30Ag nagahambae pa kamo nga kon buhi eon kunta kamo sa tyempo ku inyong mga kalolo-lolohan hay indi ninyo pag-obrahon ro andang gin-obra nga pagpatay sa mga propeta. 31Pero sa inyo ngaron nga ginahambae hay ginaako ninyo nga mga inapo kamo ku mga nagpamatay sa mga propeta kato anay.#23:31 Sa isip it mga Judio, ginapanubli it sangka unga ro batasan ku anang ama. Ngani kon ro andang mga kalolohan hay mga manogpatay it tawo, gakahueugan man nga makaruyon man sanda. 32O sige, tapusa lang ninyo ro gin-umpisahan ku inyong mga kalolo-lolohan.#23:32 Himuon ra nanda paagi sa pagpatay kay Jesus mismo ag sa pagpamatay ku kaabuan ku mga maabot pa sa ulihi nga magaturo parti kana. 33Mga tuso gid-a kamo pareho it sawa! Imposible gid nga makalibre kamo sa inyong pina sa impyerno. 34Ngani,#23:34 Ro kahueugan kara hay “agod mapamatud-an nga mga manogpatay kamo pareho ku inyong mga kalolo-lolohan ag bagay eang kamo nga pinahan it grabi pareho man kanda.” ako mismo ro magapadaea kinyo it mga propeta, mga mangin-aeamon ag mga maestro it mensahi it Dyos. Pero patyon ninyo ro iba kanda paagi sa pageansang kanda sa krus. Inyo nga latiguhon ro iba kanda sa inyong mga sinagoga. Ro iba kanda hay inyong paeaason ag pagkatapos hay eagson ag hingabuton bisan siin sanda mag-adto. 35Ngani kamo ro manabat ku kamatayon ku tanan nga mga matarong sa bilog nga kalibutan nga ginpamatay dahil sa andang pagsunod sa Dyos, umpisa kay Abel hasta sa unga ni Barakias nga si Zacarias.#23:35 Si Abel ro hauna nga nasueat sa Sagrado nga Kasueatan nga ginpatay (basaha sa Gen 4:8) ag si Zacarias ro katapusan (basaha sa 2 Cron 24:20-22). Sa Bibliya nga Hinebreo, ro 2 Cronica ro katapusan nga libro, bukon it Malakias pareho ku aton nga Bibliya makaron. Si Barakias siguro hay sambilog pa nga ngaean ni Joiada. Si Zacarias hay ginpatay ku inyong kalolo-lolohan sa ueot ku Templo ag ku altar nga idto sa *lagwirta it Templo. 36Matuod rang ginahambae kinyo nga kamo sa inyo makaron nga henerasyon hay manabat sa Dyos dahil sa kamatayon ku tanan ngato nga mga matarong nga tawo.”
Naeuoy gid si Jesus sa mga Judio ay Andang Ginbinalibaran ro Paghigugma it Dyos Kanda
(Luc 13:34-35)
37Naghambae dayon si Jesus, “Ay, aki, kaeuoy kamo nga mga tagaJerusalem! Ginapinamatay ninyo ro mga propeta ag inyong ginapinangeapog it bato hasta mamatay ro mga ginapaadto it Dyos kinyo. Permi nakong ginahandom nga tilipunon kunta kamo pareho it mus-an nga nagatinipon ku anang mga isiw sa idaeom ku anang mga pakpak, pero indi man kamo magsugot. 38Pamati kamo. Ginpabay-an eon kamo it Dyos pati ro inyong syudad ngara. Owa eon it magaistar iya.#23:38 Ku anyo 70 A.D. ro mga soldado it Roma hay nagsalakay sa Jerusalem ag pagkatapos it limang buean hay hasamad gid nanda ro bilog nga Jerusalem pati ro Templo. Ginpamatay man nanda ro mga linibo nga mga Judio. 39Ag ginahambae ko kinyo nga umpisa makaron hay indi ninyo makilaea kon sin-o gid ako hasta sa adlaw nga maghambae kamo nga, ‘Daeayawon raya nga ginpadaea iya it Dyos.’ ” #23:39 Salmo 118:26.
Цяпер абрана:
Mateo 23: akl
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
2024 (Active) Wycliffe Bible Translators, Inc.