Macho Fiɛɛ fì le a Ŋwa wu Macho wunɛ le
Fiɛɛ fì le a Ŋwa wu Macho wunɛ le
Saaka wù joŋe wù le a Ŋwa wu Macho wunɛ le, jɛme lɛ Jiso le Mbvusɛ wu Nyo. gɛ̀ ka. Saaka wù joŋe wunɛ le fɛ bamii bachii ba le yi kikwɛɛ ki nshɛŋ le. Ŋwa wunɛ duunyi lɛ Jiso le Muh wu N'yɛyɛ wù kooji wù kee ki wu nâjɛ chuule fiɛɛ fì banchi ba Nyo jɛme. N'yɛyɛ wu Jiso wuchii wu a ŋwa wunɛ le, le ba banyɛ yi bikwɛɛ le bitɛŋ. (1) No Jiso gɛ̀ bɛnɛ wu shii yi mbegɛ le wu yɛyi kune bamii ba bvunfoŋ bvù fɛwe le bvuboo. (2) No Jiso gɛ̀ nya nteefɛ booŋ be ba ŋgoo ba yuufe ncho bafɛɛ le kune lɛme chì wu gɛ̀ tuŋ bo yu. (3) Baŋgaŋ ba Jiso gɛ̀ ma kune bvunfoŋ bvù fɛwe. (4) N'yɛyɛ kune fiɛɛ fì le muh wu ŋgoo wu Jiso. (5) N'yɛyɛ kune no woŋ kfunɛ le wu to wu ka bɛ no bvunfoŋ bvu Nyo lé bvu gê bvu tô
Bikwɛɛ bi mwɛɛ mù le a Ŋwa wunɛ le
1:1–2:23 Kfuu chi Jiso Kletu bɛ no ba gɛ̀ boyɛ wu
3:1-12 Lɛme chi Joŋ Nlesɛajoo
3:13–4:11 No ba gɛ̀ leesɛ Jiso a joo bɛ no Sataŋ gɛ̀ moŋ wu
4:12–18:35 Lɛme chi Jiso gɛ̀ jiɛnyi wù gee Galalee
19:1–20:34 Jiso ja Galalee, wu gɛɛŋ Yɛlusalɛm
21:1–27:66 Kimaa ki Jiso ki fɛkimɛsɛ Yɛlusalɛm bɛ mbebe yo le
28:1-20 No Tada Jiso gɛ̀ bu yi kwe le, wu dunyɛ kikwɛɛ ke bamii be le
Цяпер абрана:
Macho Fiɛɛ fì le a Ŋwa wu Macho wunɛ le: ncr
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2020, Wycliffe Bible Translators, Inc. All rights reserved.