Евангелле паводле Мацвея Раздзел 4
Раздзел 4
1 #
Мк. 1:12; Лк. 4:1; Геб. 2:18; 4:15 Пасля Ісус быў заведзены ў пустыню Духам для спакушэння д’яблам.
2І, пасля таго, як посціў сорак дзён і сорак начэй, пачуўся галодным.
3І, прыступіўшы да Яго, спакуснік сказаў: «Калі Ты – Сын Божы, скажы, каб гэтыя камяні зрабіліся хлебам».
4 #
Паўт. Зак. 8:3; Лк. 4:4 Той, адказваючы, прамовіў: «Напісана: “Не хлебам адзіным толькі будзе жыць чалавек, але і кожным словам, якое паходзіць з вуснаў Божых”».
5Потым пераносіць Яго д’ябал у святы горад і ставіць Яго на вышыні святыні,
6 #
Пс. 91:11, 12; Лк. 4:10 і кажа Яму: «Калі Ты – Сын Божы, дык кінься ўніз; бо напісана: “Загадаў Ён анёлам Сваім наконт Цябе, на руках будуць насіць Цябе, каб часам не скалечыў аб камень нагі Сваёй”».
7 #
Паўт. Зак. 6:16; Лк. 4:12 Гаворыць яму Ісус: «Ізноў жа напісана: “Не спакушай Госпада, Бога твайго”».
8Ізноў пераносіць Яго д’ябал на вельмі высокую гару ды паказвае Яму ўсе валадарствы свету і іх славу,
9і кажа Яму: «Усё гэта аддам Табе, калі, упаўшы, паклонішся мне».
10 #
Паўт. Зак. 6:13; Мц. 16:23 Тады кажа яму Ісус: «Ідзі прэч ад Мяне, шатан! Бо напісана: “Госпаду, Богу твайму, пакланяцца будзеш і аднаму Яму служыць будзеш”».
11Тады пакінуў Яго д’ябал, і вось, анёлы прыступіліся і паслугавалі Яму.
12 #
Мк. 1:14; Лк. 3:20; Ян. 4:43 Калі ж Ісус пачуў, што Ян выдадзены, то адышоў у Галілею.
13 #
Мк. 1:21 І, пакінуўшы Назарэт, прыйшоў і абжыўся ў Кафарнаўме прыморскім,
14у межах Забулона і Нэфталі, каб збылося, што прадказана прарокам Ісаем, які кажа:
15 #
Іс. 9:1, 2 «Зямля Забулона і зямля Нэфталі, на шляху прыморскім за Ярданам, Галілея паганская;
16 #
Лк. 1:79
народ, які сядзеў у цемры, святло ўбачыў вялікае, і для тых, што сядзяць у краіне засені смерці, святло ўзышло».
17 #
Мк. 1:14
Адсюль пачаў Ісус прапаведаваць і казаць: «Навяртайцеся, бо наблізілася Валадарства Нябеснае».
18 #
Лк. 5:2; Ян. 1:40 А калі ішоў каля мора Галілейскага, убачыў двух братоў – Сімона, які завецца Пётрам, і Андрэя, брата яго, як запускалі сеткі ў мора, бо былі рыбаловамі.
19 #
Лк. 5:10
І гаворыць ім: «Ідзіце за Мной! Зраблю вас лаўцамі людзей».
20 #
Мк. 10:28; Лк. 18:28 Яны, адразу кінуўшы сеткі, пайшлі за Ім следам.
21 #
Мк. 1:19; Лк. 5:10 І, ідучы далей адтуль, Ён убачыў двух іншых братоў, Якуба Зебядзеева і Яна, брата яго, якія ў чоўне з бацькам сваім, Зебядзеем, правілі сеткі, і паклікаў іх.
22І яны адразу, пакінуўшы човен і бацьку, пайшлі за Ім следам.
23І хадзіў Ісус па ўсёй Галілеі наўкола, навучаючы ў сінагогах іх і прапаведуючы добрую вестку Валадарства, ды аздараўляў людзей ад усякай хваробы і ўсякай немачы.
24 #
Мк. 1:32; Лк. 4:40 І разышлася слава Яго па ўсёй Сірыі. Дык прыводзілі да Яго ўсіх немачных, рознымі хваробамі і пакутамі апанаваных, і апанаваных дэманамі, і лунатыкаў, і паралітыкаў, і Ён аздараўляў іх.
25І хадзілі за Ім вялікія натоўпы з Галілеі, і з Дэкапаля, і з Ерузаліма, і з Юдэі, ды з-за Ярдана.
Цяпер абрана:
Евангелле паводле Мацвея Раздзел 4: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017