LIKI 4:9-12

Kəya Nərtitiŋ raawaŋ də Yeesu Zeruzalem pa. A usnu apəya a lewlew də *Kuli kə Pepeŋa. A wəətunu minti: «Tam jəəne Kormə Pepeŋ gəəziŋ, gaa kusrum la warna adawra na, gud minti Kefter kə Pepeŋ jeereŋ wəra minti: ‹Pepeŋ waate kaa gə digi nuutuŋ yaŋ minti yə amam la.› Yə gə jeerə-jeere pa minti: ‹Yə ləgam yaŋ kəəsi minti kampəram a dese a pərki ba.›» Yeesu harna kel minti: «Kefter kə Pepeŋ wəra bə jeerə-jeere minti: ‹A gole koɗ Barkaŋ Pep nəmti ba.›»